قازاقستان مەن ومان سۇلتاندىعىنىڭ قارىم-قاتىناسى قايتا جاندانادى
استانا. KAZINFORM - ەلىمىزگە ومان سۇلتاندىعىنىڭ سىرتقى ىستەر ءمينيسترى بادر بەن حاماد ءال- بۋسايدي رەسمي ساپارمەن كەلدى.
ەلوردادا مارتەبەلى مەيماندى ق ر پرەمەر- ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ قارسى الدى. سىرتقى ىستەر مينيسترلىگىندە وتكەن كەزدەسۋدە ول قازاقستان ورتالىق ازياداعى وماننىڭ جەتەكشى ەكونوميكالىق سەرىكتەسى بولۋعا ىنتالى ەكەنىن ايتتى.
- قازاقستان ورتالىق ازياداعى وماننىڭ جەتەكشى ەكونوميكالىق سەرىكتەسى بولا وتىرىپ، ساۋدا ىنتىماقتاستىعىمىزدىڭ الەۋەتىن تولىق ىسكە اسىرۋعا ۇمتىلادى. ومان ەكونوميكامىزعا لايىقتى ينۆەستيتسيالار سالدى. بۇگىنگى كۇنگە دەيىن جالپى كاپيتال اعىنى 253 ميلليون دوللاردان استى.
وسى رۋحتا ءبىز وماننىڭ قازاقستان مەن كورشى ەلدەر ءۇشىن تىكەلەي ينۆەستيتسيالار قورىن قۇرۋ جونىندەگى باستاماسىن تولىق قولدايمىز. بۇگىنگى كەزدەسۋ ءبىزدىڭ كۇن ءتارتىبىمىز ءۇشىن ودان دا كوپ ءوزارا ءتيىمدى ناتيجە بەرەتىنىنە سەنەمىن، - دەدى ق ر س ءى م باسشىسى.
ونىڭ ايتۋىنشا، ەكى ەل اراسىنداعى ەكونوميكالىق بايلانىستاردى نىعايتۋ - مادەني جانە حالىقتار اراسىنداعى بايلانىستاردى كەڭەيتۋگە مۇمكىندىك بەرەدى. ماسەلەن، وتكەن جىلى ومانعا قازاقستاندىق ساپار شەگۋشىلەر سانى %37 عا ءوسىپ، 21 مىڭ ادامعا دەيىن جەتتى.
بۇگىن مۇرات نۇرتىلەۋ مەن بادر بەن حاماد ءال- بۋسايدي كەلىسسوزدەر وتكىزەدى دەپ جوسپارلانعان.
ومان سۇلتاندىعىنىڭ س ءى م باسشىسى ەلىمىزگە سوڭعى رەت 2004 -جىلى رەسمي ساپارمەن كەلگەن ەكەن.
استاناداعى «سالتانات سارايىن» سالۋعا ءدال وسى ومان سۇلتاندىعى قارجى بولگەنى ەل ەسىندە. بۇل كەزدەسۋ اراعا 20 جىلداي ۋاقىت سالىپ، ەكى ەل اراسىنداعى قارىم-قاتىناستىڭ تامىرىنا قايتا قان جۇگىرە باستاعانىن بىلدىرەدى.
ايتا كەتەيىك، بۇعان دەيىن ومان قازاقستانعا ورتالىق ازيا تىكەلەي ينۆەستيتسيالار قورىن قۇرۋدا سەرىكتەس بولۋدى ۇسىنعان ەدى.
