قازاقستان مەن سولتۇستىك كاسپي مەردىگەر كومپانيالارى اراسىندا ءبىرقاتار داۋ بار - قاشاعان وپەراتورى

«قازاقستان رەسپۋبليكاسىنىڭ مەملەكەتتىك قۇزىرلى ورگاندارى NCOC كومپانياسىنىڭ نىساندارىندا ەكولوگيالىق تەكسەرۋ جۇرگىزدى. قاشاعان وپەراتورىندا كۇكىرت ساقتاۋعا قاتىستى ايىپپۇل سالۋ تۋرالى اقپارات جوق. NCOC كومپانياسى كۇكىرتكە قاتىستى جۇمىستاردى ۇيىمداستىرۋ قىزمەتىن جاۋاپكەرشىلىكپەن جانە قازاقستان رەسپۋبليكاسىنىڭ زاڭناماسىنا سايكەس، سونداي- اق قولدانىستاعى ستاندارتتار مەن ۇزدىك تاجىريبەگە سايكەس ىسكە اسىرادى»، - دەلىنگەن NCOC كومپانياسىنىڭ Kazinform اگەنتتىگىنىڭ ساۋالىنا بەرگەن جاۋابىندا.

سونداي- اق NCOC سىرتقى قارىم- قاتىناستار ءبولىمى كۇكىرت ساقتاۋعا قاتىستى تەكسەرۋ بويىنشا ءبىرقاتار داۋدىڭ بارىن ءمالىم ەتتى.

«قازاقستان رەسپۋبليكاسى مەن سولتۇستىك كاسپي بويىنشا ءونىم ءبولىسۋ تۋرالى كەلىسىمىنىڭ (سكوبك) شەڭبەرىندەگى مەردىگەر كومپانيالار اراسىندا (ۇلتتىق مۇناي كومپانياسىنىڭ ەنشىلەس KMG Kashagan B. V. كاسىپورنىنان باسقا) سكوبك شەڭبەرىندە تورەلىك جانە ساراپشىلىق انىقتاۋدى قاجەت ەتەتىن بەلگىلى ەرەجەلەردى قولدانۋعا قاتىستى ءبىرقاتار داۋ بار. سولتۇستىك كاسپي بويىنشا ءونىم ءبولىسۋ تۋرالى كەلىسىمىنىڭ مەردىگەر كومپانيالار قازاقستان رەسپۋبليكاسىنىڭ زاڭدارى مەن قولدانىستاعى ستاندارتتار مەن وزىق تاجىريبەلەرگە سايكەس ارەكەت ەتتىك دەپ ەسەپتەيدى. تالقىلاۋدىڭ قۇپيا سيپاتىنا بايلانىستى ءبىز قوسىمشا تۇسىنىكتەمە بەرە المايمىز»، - دەيدى كومپانيادان.

ايتا كەتەيىك، بيىل ناۋرىزدا قاشاعان وپەراتورىنا $5,1 ميلليارد ايىپپۇل سالىنۋى مۇمكىن ەكەندىگى تۋرالى حابارلاعان ەدىك.

بۇعان دەيىن Bloomberg باسىلىمى ق ر ەكولوگيا جانە تابيعي رەسۋرستار مينيسترلىگى North Caspian Operating Company كومپانياسىن ەكولوگيالىق تالاپتاردى بۇزعانى ءۇشىن $5,1 ميلليارد كولەمىندە ايىپپۇل سالۋدى تالاپ ەتىپ، سوتقا جۇگىنگەنىن حابارلاعان ەدى.

ەسكە سالساق، بيىل 6 -ناۋرىزدا كۇكىرتتى زاڭسىز ساقتاۋ فاكتىسى بويىنشا اتىراۋ وبلىسى بويىنشا ەكولوگيا دەپارتامەنتى North Caspian Operating Company كومپانياسىنىڭ قىزمەتىنە تەكسەرۋ جۇرگىزدى.

اۆتور

داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى