قازاقستان مەن گەرمانيا سۋ رەسۋرستارىن باسقارۋ بويىنشا كەلىسىمشارت جاساستى
قازاقستاننىڭ سۋ رەسۋرستارى جانە يرريگاتسيا مينيسترلىگى مەن حالىقارالىق ىنتىماقتاستىق جونىندەگى گەرمان قوعامى (GIZ) «ورتالىق ازياداعى سۋ رەسۋرستارىن كليماتتىق اسەردى ەسكەرە وتىرىپ باسقارۋ» وڭىرلىك باعدارلاماسىن ىسكە اسىرۋ تۋرالى كەلىسىمشارت جاساستى، دەپ حابارلايدى Kazinform.
قۇجاتقا مينيستر نۇرجان نۇرجىگىتوۆ پەن باعدارلاما مەنەدجەرى، دوكتور كارولينا ميلوۆ قول قويدى.
گ ف ر، قازاقستان، قىرعىز رەسپۋبليكاسى، وزبەكستان، تاجىكستان، تۇرىكمەنستان قاتىساتىن باعدارلاما گەرمانيا فەدەرالدى ۇكىمەتىنىڭ «جاسىل ورتالىق ازيا» ايماقتىق كليمات جانە قاۋىپسىزدىك باستاماسىنىڭ بولىگى سانالادى. ونىڭ ماقساتى - كليماتتىق اسەردى ەسكەرە وتىرىپ، وڭىرلىك دەڭگەيدە سۋ رەسۋرستارىن ينتەگراتسيالانعان باسقارۋدى ەنگىزۋ.
باعدارلاما ق ر سۋ رەسۋرستارى جانە يرريگاتسيا مينيسترلىگىمەن جانە «امۋداريا» جانە «سىرداريا» باسسەيندىك سۋ شارۋاشىلىعى ۇيىمدارىمەن جۇمىس ىستەيدى. جوبا اياسىندا وڭىردە سۋدى پايدالانۋدىڭ تيىمدىلىگىن ارتتىرۋ، كليماتتىق اسەردى ەسكەرە وتىرىپ، سۋ رەسۋرستارىن باسقارۋ جونىندەگى پيلوتتىق جوبالاردى ىسكە اسىرۋ جانە امۋداريا مەن سىرداريا وزەندەرىنىڭ باسسەيندەرىن كليماتتىڭ وزگەرۋىنە بەيىمدەۋ جونىندەگى جۇمىستار ازىرلەنەدى.
باعدارلامانى ىسكە اسىرۋدىڭ وپەراتسيالىق جوسپارى بەكىتىلىپ، سونداي- اق ق ر سۋ رەسۋرستارى جانە يرريگاتسيا مينيسترلىگى مەن باسقا دا قاتىسۋشىلاردى قامتيتىن ۇيلەستىرۋ كوميتەتى قۇرىلادى. نەمىس تاراپى ساراپشىلاردى ۇسىنۋعا، جەرگىلىكتى مامانداردى بازالىق جانە قوسىمشا وقىتۋدى قامتاماسىز ەتۋگە مىندەتتەلەدى. سونىمەن قاتار GIZ قاجەتتى جابدىقتى جەتكىزە الادى جانە گرانتتار تۇرىندە قارجىلىق قولداۋ كورسەتە الادى. شارت 2027 -جىلدىڭ اقپانىنا دەيىن جارامدى.
«ءبىزدىڭ بىرلەسكەن ءىس- قيمىلدارىمىز العا قويىلعان ماقساتتارعا قول جەتكىزۋگە جانە سۋ رەسۋرستارىن باسقارۋ ماسەلەسىندە ورتالىق ازيا ەلدەرى اراسىنداعى كووپەراتسيانى كۇشەيتۋگە مۇمكىندىك بەرەدى دەپ ۇمىتتەنەمىن. سۋدى ءتيىمدى جانە دۇرىس پايدالانۋ - ءوڭىرىمىزدىڭ الدىندا تۇرعان باستى ماسەلەلەرىنىڭ ءبىرى. سوندىقتان الداعى مىندەتتەردى بىرلەسىپ جانە نەمىس ارىپتەستەرىمىزدىڭ قولداۋىمەن شەشەمىز»، - دەدى ق ر سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
