قازاقستان مەن قىتاي اراسىندا جۇك تاسىمالى ارتادى
استانا. قازاقپارات - بىلتىر قازاقستان كولىك-ترانزيتتىك الەۋەتتى دامىتۋعا كۇش سالادى. الداعى ەكى جىلدا ءبىزدىڭ ەل ارقىلى وتەتىن جاڭا تەمىرجول دالىزدەرى سالىنىپ، ەسكىلەرى قايتا جاڭعىرتىلادى.
وسىنىڭ ارقاسىندا قازاقستان مەن قىتاي اراسىنداعى جۇك تاسىمالى بىرنەشە ەسە ارتادى. ىشكى بايلانىس قازىرگىدەن دە جەدەلدەپ، كورشى ەلدەن ەۋروپاعا شىعاتىن تەمىرجولدىڭ پويىز وتكىزۋ مۇمكىندىگى كەڭەيە تۇسەدى.
2025 -جىلى قازاقستان مەن قىتاي اراسىنداعى جۇك تاسمالى 40 ميلليون تونناعا دەيىن جەتۋى مۇمكىن. وعان بيىل ەلىمىزدەگى بىرنەشە باعىتتاعى تەمىرجول قۇرىلىسىنىڭ اياقتالۋى سەپ بولادى. قازىر جالپى قاشىقتىعى 1100 شاقىرىم بولاتىن تەمىرجول سالىنىپ جاتىر. ونىڭ 836 شاقىرىمى دوستىق- مويىنتى باعىتىندا. بۇل ۋچاسكەدەگى قۇرىلىس بيىل شىلدە ايىنا دەيىن اياقتالادى. ناتيجەسىندە ترانس كاسپي باعىتىنداعى ورتا ءدالىزدىڭ وتكىزۋ مۇمكىندىگى بەس ەسەگە دەيىن ارتادى. كونتەينەر تاسيتىن پويىزدارعا باسىمدىق بەرىلىپ، ولاردىڭ سانى 600 پويىزعا دەيىن كوبەيەدى.
سونىمەن قاتار بيىل الماتى اينالما جولىنىڭ قۇرىلىسى دا بىتەدى. بۇدان بولەك، مويىنتىدان قىزىلجارعا دەيىن ۇزىندىعى 366 شاقىرىم بولاتىن جاڭا تەمىرجول سالىنادى. جوبا جۇزەگە اسقاندا جۇك پويىزدارى توتە جولمەن جۇرۋگە مۇمكىندىك الادى. بۇل جۇك تاسىمال مەرزىمى تاعى قىسقارا تۇسەدى دەگەن ءسوز. ال قىزىلجاردان اقتاۋ پورتىنا دەيىنگى ارالىقتاعى ۋچاسكەلەر اۋقىمدى جاڭعىرتۋدان وتەدى.
سونىمەن قاتار التىنكولدەن جەتىگەنگە دەيىنگى تەمىرجول كەڭەيتىلەدى. قىتاي مەن ورتالىق ازيا اراسىنداعى دالىزگە تىڭ سەرپىن بەرەدى. بۇگىندە قازاقستان مەن قىتاي شەكاراسىندا دوستىق-الاتاۋ جانە قورعاس- التىنكول سياقتى ەكى تەمىرجول وتكىزۋ بەكەتى بار. بۇل جەردەن جىلىنا 25 ميلليون تونناعا دەيىن جۇك وتكىزۋگە بولادى. قازىر ەكى ەلدىڭ شەكاراسىندا ءۇشىنشى شويىنجول وتكەلىنىڭ قۇرىلىسى ءجۇرىپ جاتىر.
باۋىرجان ورىنباساروۆ، «قازاقستان تەمىر جولى» ۇ ك» ا ق وندىرىستىك پروتسەستەر جونىندەگى باسقارۋشى ديرەكتورى:
- اياگوز - باقتى باعىتىنداعى ءۇشىنشى شەكارالىق وتكىزۋ بەكەتىنىڭ قۇرىلىسى باستالدى. بۇل باقتى-تارباعاتاي باعىتى. باقتى ستانسياسىندا قۇرعاق پورتتار سالۋ جوسپارلانىپ وتىر. ايتا كەتۋ كەرەك، الدىن الا جۇرگىزىلگەن كەلىسسوزدەرگە سايكەس 2025 -جىلى شەكارادان 33 ميلليون جۇك وتەدى. بۇل 2024 -جىلدان 13 پايىزعا ارتىق. ناۋرىز ايىندا وسىعان قاتىستى تاعى كەلىسسوزدەر جۇرگىزىلەدى. وندا تاسمالداناتىن جۇك كولەمىن 40 ميلليون تونناعا دەيىن ارتتىرۋ جونىندە كەلىسىمگە قول جەتكىزەمىز دەپ ويلايمىن.
ايتا كەتۋ كەرەك، بۇگىندە قازاقستان اۋماعىنان 13 حالىقارالىق كولىك ءدالىزى وتەدى. ونىڭ ىشىندە بەسەۋى تەمىرجول جانە 8 اۆتوموبيل ءدالىزى بار. قىتايدان ەۋروپاعا ءبىر جارىم، ەكى اي جۇرەتىن جۇكتى ءبىزدىڭ ەل ارقىلى ەكى اپتادا جەتكىزۋگە بولادى. قازاقستاننىڭ ترانزيتتىك جۇك تاسمالىنا قاتىستى حالىقارالىق باسەكەدەگى مۇمكىندىكتەرىن مەملەكەت باسشىسى قاسىم-جومارت توقايەۆ ۇكىمەتتىڭ كەڭەيتىلگەن وتىرىسىندا ەرەكشە اتاپ ءوتتى. بۇل ارتىقشىلىقتى تولىق ءارى ءتيىمدى پايدالانساق ەلىمىزدىڭ ەكونوميكاسىن دامىتۋعا ايتارلىقتاي سەرپىن بەرەر ەدى.
- جالپى 2025 -جىلى ينفراقۇرىلىمنىڭ نەگىزگى ءۇش باعىتىن دامىتۋعا دەن قويىلادى. لوكوماتيۆتەر مەن ۆاگوندار الىنادى. جۇمىستى اۆتوماتتاندىرۋ جانە سيفرلاندىرۋعا ءمان بەرىلەدى. سونداي-اق، قايتا تيەۋ توراپتىق ستانسيالار مەن ماگيسترالدىق تەمىرجول جەلىلەرى سالىنادى. وسى ارقىلى ينۆەستيتسيالىق كليماتتى جاقسارتا ءتۇسۋ كوزدەلىپ وتىر.
24.kz
