قازاقستان مەن كيپر ۆيزاسىز رەجيم ەنگىزۋ ماسەلەسىن تالقىلادى
استانا. KAZINFORM - قازاقستان مەن كيپر سىرتقى ىستەر مينيسترلەرى ۆيزاسىز رەجيمدى ەنگىزۋدى، سونداي-اق ەكى ەل اراسىنداعى تىكەلەي اۋە قاتىناسىنىڭ پەرسپەكتيۆالارىن تالقىلادى.
كيپر رەسپۋبليكاسىنىڭ سىرتقى ىستەر ءمينيسترى كونستانتينوس كومبوستىڭ قازاقستانعا ساپارى بارىسىندا ەكى ەلدىڭ سىرتقى ساياسي ۆەدومستۆولارىنىڭ باسشىلارى قازاقستان مەن كيپر اراسىنداعى «اۋە قاتىناسى تۋرالى» مەموراندۋمعا قول قويدى.
ق ر سىرتقى ىستەر ءمينيسترى مۇرات نۇرتىلەۋ بۇل قۇجات ەكى ەل اراسىنداعى ىنتىماقتاستىقتى كەڭەيتۋگە قوسىمشا سەرپىن بەرەدى دەپ ەسەپتەيدى.
- ارىپتەسىممەن ازاماتتارىمىز ءۇشىن ۆيزاسىز رەجيمدى ەنگىزۋدى جانە ەكى ەل اراسىنداعى تىكەلەي اۋە قاتىناسىنىڭ كەلەشەگىن تالقىلادىق. وسى تۇرعىدا پىكىرلەر مەن باستامالار جاقىن ارادا ىسكە اسىرىلاتىنىنا سەنەمىن، - دەدى ق ر س ءى م باسشىسى.
ول تالقىلاۋدىڭ تاعى ءبىر ماڭىزدى تاقىرىبى - ايماقتىق جانە جاھاندىق كۇن ءتارتىبى ەكەنىن جەتكىزدى.
مۇرات نۇرتىلەۋدىڭ ايتۋىنشا، قازاقستان مەن كيپردىڭ حالىقارالىق ماسەلەلەر بويىنشا ۇستانىمدارى وتە ۇقساس.
