قازاقستان مەن ب ا ءا زاڭسىز الىنعان اكتيۆتەردى قايتارۋعا جاساندى ينتەللەكتىنى پايدالانادى
استانا. KAZINFORM - قازاقستان رەسپۋبليكاسىنىڭ باس پروكۋرورى بەرىك اسىلوۆ بىرىككەن اراب امىرلىكتەرىنە جۇمىس ساپارىمەن بارىپ، وندا ب ا ءا ادىلەت ءمينيسترى ابدۋللا بين سۇلتان بين اۋاد ءال-نۋايميمەن جانە وسى ەلدىڭ باس پروكۋرورى حاماد سەيف ءال-شامسيمەن كەزدەسۋلەر وتكىزدى.
بۇل تۋرالى قازاقستان رەسپۋبليكاسىنىڭ باس پروكۋراتۋراسى حابارلادى.
ارىپتەستەر ۆەدومستۆوارالىق ىنتىماقتاستىقتى كەڭەيتۋ جانە حالىقارالىق قاۋىپسىزدىكتى قامتاماسىز ەتۋ ماسەلەلەرىن تالقىلادى.
قازاقستاننىڭ باس قاداعالاۋ ورگانىنىڭ باسشىسى ءوز سوزىندە ق ر مەن ب ا ءا ۇقساس سىن-قاتەرلەر مەن قاۋىپتەرگە تاپ بولاتىنىن، سوندىقتان قىلمىسپەن كۇرەس ماسەلەلەرىن بىرلەسىپ شەشۋ، ۇزدىك جۇمىس تاجىريبەسىمەن ۇنەمى الماسا وتىرىپ، زاماناۋي سىن-قاتەرلەر مەن قاۋىپتەرگە قارسى تۇرۋ ەرەكشە ماڭىزدى ەكەنىن اتاپ ءوتتى.
ساپار ناتيجەسىندە قازاقستان رەسپۋبليكاسىنىڭ باس پروكۋراتۋراسى مەن ب ا ءا ادىلەت مينيسترلىگى اراسىنداعى ىنتىماقتاستىق باعدارلاماسىنا قول قويىلدى.
تاراپتار ونى جۇزەگە اسىرۋ قىلمىسقا قارسى كۇرەس سالاسىنداعى حالىقارالىق ىنتىماقتاستىقتى ودان ءارى نىعايتا تۇسەتىنىنە سەنىم ءبىلدىردى.
