قازاقستان مەن اۋستريا ديپلوماتتاردى ۆيزالىق تالاپتاردان بوساتپاق

قۇجاتقا سايكەس، قازاقستان رەسپۋبليكاسىنىڭ ازاماتتارى - جارامدى ديپلوماتيالىق پاسپورتتاردىڭ يەلەرى اۋستريا رەسپۋبليكاسىنىڭ اۋماعىنا نەمەسە 1985 -جىلعى 14- ماۋسىمداعى جالپى شەكارالاردا تەكسەرۋلەردى بىرتىندەپ الىپ تاستاۋ تۋرالى 1990 -جىلعى 19-ماۋسىمداعى شەنگەن كەلىسىمىن قولدانۋ تۋرالى كونۆەنتسياعا قول قويعان كەز كەلگەن ەلدىڭ اۋماعىنا كىرگەن كەزدەن باستاپ ەسەپتەلەتىن 180 (ءجۇز سەكسەن) كۇن ىشىندە 90 (توقسان) كۇننەن اسپايتىن مەرزىمگە، سونداي-اق ءدال وسىنداي شارتتارمەن اۋستريا ازاماتتارى ۆيزا الۋ تالابىنان بوساتىلادى.

قازاقستان رەسپۋبليكاسى مەن اۋستريا رەسپۋبليكاسىنىڭ جارامدى ديپلوماتيالىق پاسپورتتارىنىڭ يەلەرى جاۋاپتى يمميگراتسيالىق بيلىك ورىندارى ايقىنداعان كەزدە وتكىزۋ پۋنكتتەرى ارقىلى ەكىنشى تاراپتىڭ اۋماعىنا كىرە الادى جانە شىعا الادى. سونىمەن قاتار، ولارعا قاۋىپسىزدىك، يمميگراتسيالىق، كەدەندىك، سانيتارلىق جانە باسقا دا نورمالارمەن بايلانىستى جانە وسىنداي جارامدى پاسپورتتاردىڭ يەلەرىنە زاڭدى تۇردە قولدانىلاتىن شەكتەۋلەردەن وزگە قانداي ءدا بىر شەكتەۋلەر قويىلمايدى.

تاراپتار وسى كەلىسىمگە قول قويىلعان ساتتەن باستاپ 30 (وتىز) كۇن ىشىندە ديپلوماتيالىق ارنالار ارقىلى وسى كەلىسىمنىڭ 1-بابىنا سايكەس، ءتيىستى تاراپ پايدالاناتىن پاسپورتتاردىڭ ۇلگىلەرىمەن الماسادى. ءاربىر تاراپ ەكىنشى تاراپقا جاڭادان قولدانىسقا ەنگەن نەمەسە وزگەرتىلگەن ديپلوماتيالىق پاسپورتتىڭ ۇلگىلەرىن ولار كۇشىنە ەنگەنگە دەيىن كەمىندە 30 (وتىز) كۇن بۇرىن ۇسىنۋعا مىندەتتى.

قۇجات 28-ساۋىرگە دەيىن قوعامدىق تالقىلاۋعا شىعارىلىپ وتىر.

بۇعان دەيىن اۋستريانىڭ ءۇش پارتيالى كواليتسياسى بوسقىنداردىڭ وتباسىن قايتا بىرىكتىرۋ پروتسەسىن دەرەۋ توقتاتۋ تۋرالى شەشىم قابىلداعانىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى