قازاقستان جولدارىنىڭ بويىنا ينتەرنەت تاراتاتىن 473 انتەننا ورناتىلادى
سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين Jibek Joly ارناسىنا بەرگەن سۇحباتىندا ەلدەگى جولداردى ينتەرنەتپەن قالاي جابدىقتايتىنىن ايتتى، دەپ حابارلايدى Kazinform.
«مىسالى، قازىر قاراعاندى قالاسىندا شاعىن اۋداندار بار. سۋ اعىزساڭ، ساپاسى ناشار. ءبىراق تۇرعىندار سول سۋعا اقشا تولەپ جاتىر عوي. ەندى وسىنداي زاڭسىزدىق بار»، - دەدى باعدات مۋسين.
ونىڭ مالىمەتىنشە، سوعان قاراماستان سۋمەن جابدىقتاۋشى ۇيىمدار تاريفتى كوتەرگەن.
«قولجەتىمدى ينتەرنەت» اياسىندا قولعا الىنعان ەكىنشى شارا - اۆتوتراسسالارداعى ينتەرنەت. ول دا پرەزيدەنتتىڭ جولداۋىندا ايتىلعان تاپسىرما. قاتەلەسپەسەم، ءبىز تاسجولداردا 473 انتەننا-ماچتالىق قۇرىلعى ورناتامىز. 30.50 جانە 70 مەترلىك وسىنداي قۇرىلعىلار بار. وسىنداي انتەننانىڭ 473 ىن ورناتامىز. وعان 60 ميلليارد تەڭگە كەتەدى. ءبىز ول قاراجاتتى مينيسترلىك ارقىلى وبلىس اكىمدىكتەرىنە بەرىپ جاتىرمىز. اكىمدىكتەر سول قاراجاتتىڭ ارقاسىندا تاسجولداردىڭ بويىندا ءتيىستى انتەننالار ورناتادى. ءبىراق ول انتەننانى ورناتۋمەن شارۋا بىتپەيدى. وسى انتەننالارعا قاجەت بازالىق ستانسالار قويۋ كەرەك. ول ەندى وپەراتورلاردىڭ جۇمىسى. سونداي ءبىر ماملەگە كەلدىك»، - دەدى مينيستر.
اۆتور
ەسىمجان ناقتىباي
