قازاقستان جوعارى ءبىلىم سالاسىندا الەمنىڭ قانداي كومپانيالارىمەن سەرىكتەس

بۇل باعىتتاعى اتقارىلعان جۇمىس تۋرالى تولىعىراق عىلىم جانە جوعارى ءبىلىم مينيسترلىگىنىڭ سيفرلاندىرۋ جانە مەملەكەتتىك قىزمەت كورسەتۋ دەپارتامەنتىنىڭ ديرەكتورى نۇرسۇلتان ماحاتوۆ ايتىپ بەردى.

- مەملەكەت باسشىسى قاسىم-جومارت توقايەۆتىڭ «ادىلەتتى قازاقستاننىڭ ەكونوميكالىق باعىتى» اتتى قازاقستان حالقىنا جولداۋىندا جەتەكشى حالىقارالىق كومپانيالارمەن ىنتىماقتاستىق تۋرالى تاپسىرما بەرىپ، جوعارى بىلىكتى مامانداردى دايارلاۋعا كوڭىل ءبولدى. بۇگىندە مينيسترلىك ءبىرقاتار جەتەكشى حالىقارالىق سونىڭ ىشىندە NVIDIA ،Google ،Huawei سياقتى الىپ كومپانيالارمەن سەرىكتەستىك ورناتتى. اتالعان كومپانيالارمەن ىنتىماقتاستىق شەڭبەرىندە قازاقستاندىق ۋنيۆەرسيتەتتەر وزىق تەحنولوگيالار مەن پلاتفورمالارعا قول جەتكىزۋدە، بۇل ولارعا زاماناۋي ءبىلىم بەرۋ باعدارلامالارىن ەنگىزۋگە مۇمكىندىك بەرەدى، - دەدى نۇرسۇلتان ماحاتوۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

عىلىم جانە جوعارى ءبىلىم مينيسترلىگى Google-مەن بىرلەسىپ ەلىمىزدىڭ 15 جوعارى وقۋ ورنىنان 5000 ستۋدەنتكە ارنالعان GenAI كۋرستارىن ىسكە قوستى. كۋرستار پراكتيكالىق ءبىلىمى بار مودۋلدەر مەن بلوكتاردان، بەينە ساباقتاردان، سونداي-اق ءار بلوكتىڭ سوڭىندا تەستەردەن تۇرادى. Google شەشىمدەرىنىڭ قازاقستاننىڭ جوعارى ءبىلىم بەرۋ جۇيەسىنە سايكەستىگىن باعالاۋ ءۇشىن اباي اتىنداعى قاز ۇ پ ۋ- دا Google Workspace for Education پيلوتتىق جوباسى ىسكە قوسىلدى. جوبا 1000 ستۋدەنت پەن 100 ماگيسترانتتى قامتيدى.

NVIDIA- مەن ىنتىماقتاستىق اياسىندا DLI Ambassador جوباسىنا 12 ۋنيۆەرسيتەتتەن 12 وقىتۋشى قاتىسادى. بيىل DLI سەرتيفيكاتتارىن 3 وقىتۋشى الدى (ءال-فارابي قاز ۇ ۋ، ح ا ت ۋ جانە ق ب ت ۋ). ول وقىتۋشىلار ستۋدەنتتەردى وقىتىپ، سەرتيفيكات بەرەدى.

Huawei كومپانياسىمەن ىنتىماقتاستىق اياسىندا 43 اكادەميا اشىلدى. جوعارى وقۋ ورىندارىنىڭ بازاسىندا 100 دەن استام جاتتىقتىرۋشى دايارلاندى جانە كومپانيا باعدارلامالارى بويىنشا 1000 ستۋدەنت سەرتيفيكات الدى. كورپوراتسيانىڭ جەرگىلىكتى جانە حالىقارالىق جارىستارىنا 6000 نان استام ستۋدەنت قاتىستى. سونداي-اق، Huawe ىمەن بىرلەسىپ جاساندى ينتەللەكت بويىنشا 3 كۋرس ۇيىمداستىرىلدى، ونىڭ ىشىندە اكادەميانىڭ ستۋدەنتتەرىنە ارنالعان 2 كاسىبي كۋرس جانە بارلىق تىلەك بىلدىرۋشىلەرگە ارنالعان جالپى كۋرس.

بىلتىر جەلتوقساندا Yessenov University دە 01 EduSystem نەگىزىن قالاۋشى نيكوليا ساديراكتىڭ قاتىسۋىمەن يننوۆاتسيالىق باعدارلامالاۋ مەكتەبى اشىلدى.

بىلتىر جەلتوقسان ايىندا Satbayev University-دە جوبانىڭ العاشقى مەكتەبى - Lenovo College اشىلدى. بولاشاقتا وڭىرلىك جوعارى وقۋ ورىندارىندا دا اشۋ جوسپاردا بار.

عىلىم جانە جوعارى ءبىلىم مينيسترلىگى Astana Hub پەن بىرلەسىپ Generative AI باعىتى بويىنشا جوو وقىتۋشىلارىنا ارنالعان تولىققاندى كۋرستى ىسكە قوستى. ءار باعىت 6 بلوكتان تۇرادى. ءار بلوكتان كەيىن وقىتۋشىلار LMS ارقىلى تەستىلەۋدەن وتەدى جانە پروگرەستى باقىلاي الادى. اتالعان باعدارلاماعا 47 ج و و- دان 700 وقىتۋشى قاتىسادى.

بۇعان دەيىن حابارلاعانىمىزداي ۇلتتىق ءبىرىڭعاي تەستىلەۋدە جاساندى ينتەللەكت قولدانىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى