قازاقستان جانە ب ا ءا كاراتە فەدەراتسيالارى مەموراندۋمعا قول قويدى
استانا. KAZINFORM - بۇگىن فۋدجايرا قالاسىندا قازاقستان مەن بىرىككەن اراب امىرلىكتەرىنىڭ كاراتە فەدەراتسياسى ىنتىماقتاستىق جونىندە مەموراندۋمعا قول قويدى.
قازاقستان كاراتە فەدەراتسياسىنىڭ باسپا ءسوز قىزمەتى ءمالىم ەتكەندەي، تاراپتار اراسىنداعى جيىنعا قازاقستان كاراتە فەدەراتسياسىنىڭ ۆيتسە- پرەزيدەنتى بولات حاۆلاحات، ب ا ءا- ءنىڭ كاراتە فەدەراتسياسىنىڭ پرەزيدەنتى، گەنەرال- مايور ناسسەر ءال- رازۋكي مەن قازاقستاننىڭ دۋباي قالاسىنداعى باس كونسۋلى الماز تاسبولات قاتىستى.
تاراپتار ءبىراز پىكىر الماسقاننان كەيىن بولات حاۆلاحات پەن ازيا كاراتە فەدەراتسياسىنىڭ ۆيتسە- پرەزيدەنتى راشيد ءال- ءالي مىرزا ماڭىزدى قۇجاتقا قول قويدى.
وسىدان سوڭ حالىقارالىق كاراتە فەدەراتسياسى ۆيتسە-پرەزيدەنتى، ازيا كاراتە فەدەراتسياسىنىڭ پرەزيدەنتى قىزمەتىن قوسا اتقاراتىن ناسسەر ءال-رازۋكي باسپا ءسوز جيىنىندا ءسوز سويلەدى. ول بۇل كەلىسىم كاراتە سپورتىن ەكى ەلدە جاڭا دەڭگەيگە كوتەرۋگە جول اشاتىنىنا سەنىم ءبىلدىردى. ءارى قازاقستان كاراتە سپورتشىلارىنىڭ ايتۋلى جەتىستىكتەرى مەن فەدەراتسياسىنىڭ قارقىندى جۇمىسىن اتاپ ءوتىپ، جوعارى باعا بەردى.
ءوز كەزەگىندە بولات حاۆلاحات ناسسەر ءال- رازۋكي مىرزاعا «ق ر- نىڭ قۇرمەتتى سپورت قىزمەتكەرى» توسبەلگىسىن تابىستادى.
جاستار اراسىنداعى ا سەرياسىنداعى تۋرنير اياسىندا جۇزەگە اسقان بۇل ءىس الداعى ۋاقىتتا ۇلتتىق قۇرامالاردىڭ بىرلەسكەن وقۋ-جاتتىعۋ جيىندارىن كوپتەپ وتكىزۋىنە جول اشادى.
ەستەرىڭىزگە سالا كەتەيىك، وسىعان دەيىن دىنمۇحاممەد ايداربەك Fujairah Open تۋرنيرىنىڭ جەڭىمپازى اتانعانىن جازعان بولاتىنبىز.
كۇنسۇلتان وتارباي
