قازاقستان حالىقارالىق ۇيىمداردى گازا سەكتورىنداعى جاعدايعا ارالاسۋعا شاقىرادى – ق ر س ءى م باسشىسى
قازاقستان ۇزاققا سوزىلعان پالەستينا حالقىنىڭ بەيبىت جانە قاۋىپسىز بولاشاعىن قامتاماسىز ەتۋدىڭ جالعىز جولى ب ۇ ۇ قارارلارىنا سايكەس «ەكى حالىق ءۇشىن ەكى مەملەكەت» فورمۋلاسى دەپ ەسەپتەيدى، دەپ مالىمدەدى سىرتقى ىستەر ۆيتسە- پرەمەر - ءمينيسترى مۇرات نۇرتىلەۋ سەنبى كۇنى ساۋد ارابياسىنىڭ استاناسىندا وتكەن اراب مەملەكەتتەرى ليگاسىنىڭ (ل ا گ) جانە يسلام ىنتىماقتاستىعى ۇيىمىنىڭ (ي ى ۇ) كەزەكتەن تىس بىرلەسكەن سامميتىندە، دەپ حابارلايدى Kazinform.
سامميتتە سويلەگەن سوزىندە ق ر سىرتقى ىستەر ءمينيسترى قازاقستان پالەستينالىقتاردىڭ ءوزىن- ءوزى انىقتاۋعا جانە حالىقارالىق دەڭگەيدە تانىلعان پالەستينا مەملەكەتىن قۇرۋعا زاڭدى قۇقىقتارىن تولىق قولدايتىنىن اتاپ ءوتتى.
مۇرات نۇرتىلەۋ وسى ماقساتتا قازاقستان ب ۇ ۇ باس اسسامبلەياسىنىڭ 27 -قازانداعى توتەنشە ارنايى سەسسياسىندا يوردانيا حاشيميت كورولدىگى ۇسىنعان اتىستى توقتاتۋعا شاقىراتىن قارارعا داۋىس بەرگەنىن ايتتى.
سىرتقى ىستەر ءمينيسترى، وكىنىشكە قاراي، بەيبىت تۇرعىندار، ونىڭ ىشىندە كوپ بالالار، ايەلدەر مەن قارت ادامدار سوعىستىڭ جازىقسىز قۇربانى بولعانىن اتاپ ءوتتى. ونىڭ ايتۋىنشا، گازا سەكتورىنداعى ايەلدەردىڭ، بالالاردىڭ جانە قارتتاردىڭ قاۋىپسىزدىگى باستى باسىمدىق بولىپ قالا بەرەدى. قازاقستان سىرتقى ىستەر ءمينيسترى ءوز سوزىندە يزرايلدىك ارىپتەسى، يزرايلدىڭ سىرتقى ىستەر ءمينيسترى ەلي كوەنمەن جاقىندا تەلەفون ارقىلى سويلەسكەنىن ايتىپ، كەلىسسوزدەر بارىسىندا اتىستى دەرەۋ توقتاتۋعا شاقىرعانىن جانە بەيبىت شەشىم ىزدەۋ قاجەتتىگىن اتاپ ءوتتى.
مۇرات نۇرتىلەۋدىڭ ايتۋىنشا، قازاقستان ەگيپەتتىڭ ازاماتتىق حالىققا مەديتسينالىق جانە گۋمانيتارلىق كومەك كورسەتۋ ءۇشىن دالىزدەر بەرۋ تۋرالى شەشىمىن ماقۇلدايدى. قازاقستان پالەستينانىڭ باۋىرلاس حالقى ءۇشىن ءبىر ميلليون دوللار سىيعا تارتتى جانە قوسىمشا گۋمانيتارلىق كومەك جەتكىزۋدى جوسپارلاپ وتىر. ق ر س ءى م باسشىسى قازاقستاننىڭ 150-دەن استام ازاماتى، ونىڭ ىشىندە قازىرگى ۋاقىتتا گازا سەكتورىندا جۇرگەن ايەلدەر مەن بالالار رافاك باقىلاۋ- وتكىزۋ پۋنكتى ارقىلى شىعا المايتىندىعىنا الاڭداۋشىلىق ءبىلدىردى.
«مەن بۇل مۇمكىندىكتى ەگيپەتتى جانە بارلىق قاتىسۋشى تاراپتى، قازاقستان ازاماتتارىن، ولاردىڭ وتباسى مۇشەلەرىن جانە باسقا دا شەتەلدىكتەردى گازا سەكتورىنان ءسوزسىز ەۆاكۋاتسيالاۋعا شاقىرۋ ءۇشىن پايدالانامىن. ءبىز بۇل ازاماتتارعا رافاكتى كەسىپ وتۋگە رۇقسات ەتىلگەننەن كەيىن بىردەن قازاقستانعا ەۆاكۋاتسيالانۋى ءۇشىن شارالار قابىلدادىق»، - دەپ اتاپ ءوتتى م. نۇرتىلەۋ.
«قازاقستان بارلىق حالىقارالىق جانە گۋمانيتارلىق ۇيىمعا گازا سەكتورىنداعى قازىرگى اسا كۇردەلى جاعدايعا ارالاسۋعا شاقىرادى. وسى ماقساتتا ءبىز گازا سەكتورىنىڭ تۇرعىندارى ءۇشىن توتەنشە گۋمانيتارلىق ازىق- تۇلىك باعدارلاماسىن ىسكە اسىرۋ ءۇشىن ازىق- تۇلىك قاۋىپسىزدىگى يسلام ۇيىمىنىڭ قولدانىستاعى تەتىگىن پايدالانۋدى ۇسىنامىز»، - دەدى سامميتتە سويلەگەن سوزىندە ق ر سىرتقى ىستەر ءمينيسترى.
ول سونداي- اق ي ى ۇ- عا قاتىسۋشى ەلدەر بۇل ينستيتۋتتى دامىپ كەلە جاتقان گۋمانيتارلىق اپاتتى جەڭىلدەتۋ جانە زارداپ شەككەن اۋداندارداعى جاعدايدى جەڭىلدەتۋ ءۇشىن پايدالانا الاتىنىن ايتتى.
قازاقستاننىڭ سىرتقى ىستەر ءمينيسترى ي ى ۇ سياقتى الەمدىك كوشباسشىلار مەن ىقپالدى حالىقارالىق ۇيىمداردىڭ ءوز كۇش- جىگەرىن جانداندىرىپ، تاياۋ شىعىستا عانا ەمەس، بۇكىل الەمدە تۇراقتىلىق پەن قاۋىپسىزدىك ءۇشىن داۋلى تاراپتاردى كەلىسسوزدەر ۇستەلىنە وتىرعىزاتىن ۋاقىتى كەلگەنىن اتاپ ءوتتى.
«وسى قيىن ۋاقىتتا ءبىزدىڭ يىۇ- عا قاتىسۋشى ەلدەر رەتىندەگى مىندەتىمىز - جازىقسىز ادامداردىڭ ءومىرىن قورعاۋ جانە زورلىق- زومبىلىقتى توقتاتۋ ماقساتىندا بىرىگۋ»، - دەپ اتاپ ءوتتى مۇرات نۇرتىلەۋ.
ول ءسوز سوڭىندا، قازاقستان تاياۋ شىعىستا بەرىك بەيبىتشىلىك ورناتۋ ءۇشىن كەز كەلگەن كۇش- جىگەردى قولداۋعا دايىن ەكەنىن جەتكىزدى.
اۆتور
ابىلايحان جۇماشيەۆ
