قازاقستان حالقىنىڭ قانشا پايىزى تەمەكى شەگەدى

زەرتتەۋ رەسپۋبليكانىڭ بارلىق وبلىسىندا، استانا، الماتى جانە شىمكەنت قالالارىندا جۇرگىزىلدى. ساۋالناما سۇراقتارىنا 15 جاستان اسقان 11829 ءۇي شارۋاشىلىعىنىڭ ءبىر مۇشەسى جاۋاپ بەردى.

ناتيجەسىندە زەرتتەلگەن ءۇي شارۋاشىلىعى مۇشەلەرىنىڭ جالپى سانىنان قازىرگى ۋاقىتتا حالىقتىڭ 19,4 پايىز (2022 -جىلى - 20,4 پايىز) نەمەسە ەرلەردىڭ 36 پايىز، ايەلدەردىڭ 8,5 پايىز تەمەكى تارتادى. اۋىلدىق جەرلەردە تەمەكى تارتاتىنداردىڭ ۇلەسى - 19,6 پايىز، قالالىق جەرلەردە - 19,3 پايىز. تەمەكى تارتاتىن حالىقتىڭ جالپى سانىنىڭ 92,3 پايىز ونەركاسىپتە وندىرىلگەن تەمەكىنى تارتادى.

تەمەكى شەگۋشىلەر تاراپىنان ۇيلەرىندە تەمەكى ءتۇتىنىن جۇتاتىن حالىقتىڭ ۇلەسى - 12,4 پايىز، ونىڭ 11,8 پايىز - تەمەكى تارتپايتىندار. جۇمىس ورنىندا تەمەكى ءتۇتىنىنىڭ اسەرىنە ۇشىرايتىندار ۇلەسى - 7,6 پايىز، ونىڭ 7,1 پايىز تەمەكى تارتپايتىندار. قوعامدىق تاماقتانۋ ورىندارىندا ساۋالناماعا قاتىسقان رەسپوندەنتتەردىڭ 12,3 پايىز تەمەكى ءتۇتىنىنىڭ اسەرىنە ۇشىراعان، ونىڭ 11,6 پايىز - تەمەكى تارتپايتىندار.

تەمەكى ونىمدەرىن تۇتىنۋ - قاتەرلى اۋرۋلاردى تۋدىرادى دەپ ەسەپتەيتىن رەسپوندەنتتەردىڭ ۇلەسى 86,7 پايىز، سونىمەن بىرگە وتباسى مۇشەلەرىنىڭ تەمەكى ونىمدەرىن تۇتىنۋىنا قارسى بولعان رەسپوندەنتتەردىڭ ۇلەسى نەبارى 6,8 پايىز. بارلىق جەردە تەمەكى تارتۋعا تولىق تىيىم سالاتىن زاڭنامالىق باستامالاردىڭ ەنگىزىلۋىنە ساۋالناماعا قاتىسقان رەسپوندەنتتەردىڭ 71,8 پايىز قولداۋ ءبىلدىردى.

2022 -جىلمەن سالىستىرعاندا 2023 -جىلى تەمەكى تارتاتىن رەسپوندەنتتەردىڭ ۇلەسى 29-38 جاس توبى ىشىندە ءوستى، قالعان جاس توپتارىندا كەرىسىنشە تومەندەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى