قازاقستان حالقى قاشان 21 ميلليون ادامعا جەتۋى مۇمكىن

«ءبىز ۇزاق مەرزىمگە ارنالعان بولجام جاسامايمىز. قىسقا مەرزىمدى بولجامدى الار بولساق، 2027 -جىلى حالىق سانى 21 ميلليونعا جەتۋى مۇمكىن. ءبىراق، 2050 -جىلعا قاراي حالىق سانى قانشاعا جەتەتىندىگىن ەسەپتەپ كورەمىز»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

ال ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەربول وسپانوۆ دەموگرافيالىق بولجام جاسالاتىندىعىن ايتادى.

«وندا ءارتۇرلى ادىستەمەلەر قولدانىلادى. مىسالى، وندا كوشى-قون، تۋۋ پروتسەسى بار. ايتالىق، 2021 -جىلى قازاقستاندا بالا تۋۋ سانى كۇرت كوبەيەتىندىگىن كىم ويلاعان. وعان كوۆيد-19 پاندەمياسى تىكەلەي اسەر ەتتى. وسىدان 10 جىل بۇرىن جىلىنا 250-260 بالا دۇنيەگە كەلسە، كەيىنگى جىلدارى 300 مىڭعا جەتتى. ال پاندەميا كەزىندە 460-470 مىڭ بالا دۇنيەگە كەلە باستادى. وسىنداي سىرتقى جايتتاردىڭ بولجامعا تىكەلەي اسەرى بار»، - دەدى ول.

ونىڭ اتاپ وتۋىنشە، دەموگرافيالىق ءوسىم حالىقتىڭ ءال-اۋقاتىمەن بايلانىستى. ياعني، وتباسىلاردىڭ الەۋمەتتىك جاعدايى جاقسارعان سايىن دۇنيەگە كەلەتىن بالالاردىڭ سانى ارتادى. سونداي- اق بالاباقشامەن قامتۋ ماسەلەسى، الەۋمەتتىك تولەمدەر دە تۋۋ كورسەتكىشىنە اسەر ەتەدى.

اۆتور

مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى