«قازاقستان» شاحتاسىنداعى اپاتقا كىنالىلەرگە قاتىستى سوت ۇكىمى شىقتى

ءتورت ايىپتالۋشى 4 جىلعا باس بوستاندىعىنان ايىرىلدى. سوتقا دەيىنگى تەرگەپ-تەكسەرۋ ورگانى قايعىلى وقيعاعا جاۋاپتى دەپ تانىلعان ءتورت قىزمەتكەردى ق ر ق ك 277-بابىنىڭ 3-بولىگى بويىنشا ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان تاۋ-كەن نەمەسە قۇرىلىس جۇمىستارىن جۇرگىزۋدىڭ قاۋىپسىزدىك قاعيدالارىن بۇزدى دەپ ايىپتاعان بولاتىن.

تەرگەۋ بارىسىندا بىرنەشە ەرەجە بۇزۋشىلىق انىقتالدى.

- جول بەرىلگەن بۇزۋشىلىقتاردىڭ سالدارىنان 2023 -جىلعى 17-تامىزدا جوندەۋ اۋىسىمىندا «قازاقستان» شاحتاسىنىڭ كومىر كونۆەيەرلىك ەڭىسىندە ءورت بولدى. ءورت سالدارىنان بەس كەنشى قازا تاۋىپ، ون جەتى كەنشىگە دەنساۋلىعىنا ورتاشا جانە اۋىر زيان كەلتىردى، - دەپ مالىمدەلگەن شاحتينسك قالالىق سوتىنىڭ حابارلاماسىندا.

اتالعان ءىس بويىنشا پروكۋرور قىلمىستىق كودەكستىڭ 277-بابىنىڭ 3-بولىگىندە كوزدەلگەن قىلمىستىق قۇقىق بۇزۋشىلىق جاساعانى ءۇشىن سوتتالۋشىلاردى كىنالى دەپ تانىپ، 4 جىلعا باس بوستاندىعىنان ايىرۋ جازاسىن تاعايىنداۋدى سۇرادى.

- ق ك- ءنىڭ 277-بابىنىڭ 3-بولىگىندە كوزدەلگەن قىلمىس ابايسىزدا ورتاشا اۋىرلىقتاعى قىلمىس بولىپ تابىلادى. سانكسيا 3 جىلدان 8 جىلعا دەيىن باس بوستاندىعىنان ايىرۋدى قاراستىرادى. ق ك- ءنىڭ 55-بابىنا سايكەس جەڭىلدەتەتىن ءمان- جاي بولعان جانە اۋىرلاتاتىن ءمان-جايلار بولماعان كەزدە جازا ماكسيمالدى مەرزىمنەن½، ياعني 4 جىلدان اسپاۋى ءتيىس. زاڭنىڭ بۇل تالابى سوت ءۇشىن مىندەتتى بولىپ تابىلادى. گ. , م. , ت. , گ. سوتتالۋشىلارىنىڭ جاس بالالارى بار، بۇل ق ك- ءنىڭ 53-بابىنا سايكەس جەڭىلدەتەتىن ءمان-جاي دەپ تانىلادى. ياعني، ولار ءۇشىن جازا 4 جىلدان اسپاۋى كەرەك. سوتتالۋشىلار بۇرىن سوتتالمادى، جۇمىس ورنى بويىنشا وڭ سيپاتتالادى. پروكۋرور ايىپتاۋ اكتىسىندە اۋىرلاتاتىن ءمان- جايلاردىڭ جوقتىعى تۋرالى جازدى. جوعارىدا ايتىلعانداردى ەسكەرە وتىرىپ، سوت گ. , م. , ت. , گ. 4  جىلعا باس بوستاندىعىنان ايىرۋ جازاسىن تاعايىندادى، - دەپ سوت ءوز ۇكىمىن شىعاردى.

سوت ۇكىمى زاڭدى كۇشىنە ەنگەن جوق.

ەسكە سالايىق، قايعىلى وقيعا 2023 -جىلدىڭ 17-تامىزىندا بولعان. اپات بولعان كەزدە جەر استىندا 227 شاحتەر بولعان، ولاردىڭ ىشىندە 222 شاحتەر جەر بەتىنە شىعارىلىپ، بەس ادام قازا بولعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى