قازاقستان شاحتالارىنىڭ قاۋىپسىزدىگىن روبوت يت تەكسەرۋى مۇمكىن

- بۇل نەگىزى قىتايلىق Unitree روبوتىنىڭ مودەلىمەن جاسالعان. روبوتتىڭ ءوزى عانا 10 مىڭ دوللار تۇرادى. كوپتەگەن قازاقستاندىق كاسىپورىندار، ءتىپتى شاعىندارى دا مۇنداي روبوتقا قول جەتكىزە الادى. ءبىزدىڭ وسى جوباعا تاڭداۋ جاساپ وتىرعانىمىز دا سوندىقتان. وزگە تەحنولوگيالاردان باعاسى بويىنشا دا، فۋنكسيونالدىق ارتىقشىلىق جاعىنان دا ارتىقشىلىقتارى بار، - دەيدى ول.

روبوتتى قازاقشا دىبىستاپ باسقارۋعا دا بولادى.

- بۇل ءوزى ءتورت اياقتى روبوت. 360 گرادۋستا اينالىپ تۇسىرەتىن كامەراسى بار. شاحتاداعى گازدىڭ ۋىت دەڭگەيىن، جىلۋ داتچيكتەرى ارقىلى ادام ىزدەيتىن قۇرىلعىسى تۇگەل قازاقستاندا جاسالعان.

روبوت جيناعان دەرەكتىڭ ءبارى ۆيرتۋالدى اقپارات ورتالىعىنا جىبەرىلەدى. اتالمىش روبوتتاندىرىلعان كەشەندى قاراعاندى وبلىسىندا «قازاقمىسقا» تيەسىلى نۇرقازعان كەنىشىندە سىناقتان وتكىزىپ كوردىك. جوبانىڭ ءوزىن قانشالىقتى اقتايتىنى سول كەزدە تەكسەردىك. ەندى روبوتتى قوسىمشا داتچيكتەرمەن جابدىقتاپ جاتىرمىز، - دەدى دارينا مامىروۆا.

بۇل قۇرىلعى كاسىپورىندارداعى ونەركاسىپ قاۋىپسىزدىگىن ساقتاۋعا ارنالعان.

- جىل سايىن قازاقستانداعى كاسىپورىنداردا شاحتاعا گاز تاراۋدىڭ كەسىرىنەن، جارىلىستار كەسىرىنەن ءبىرشاما ادامنىڭ ءومىرى قيىلىپ جاتادى. روبوت وسىنداي قاتەرلەردىڭ الدىن الۋعا كومەكتەسەدى.

روبوت شاحتاعى جىبەرىلگەننەن كەيىن دىبىستىق پارمەن ارقىلى باسقارىلادى. شاحتاداعى اۋانىڭ ساپاسى، كومىرتەگى مەن وتتەگىنىڭ ۇلەسى تۋرالى دەرەكتى ۇستىدەگى ديسپەتچەرلىك بولىمگە جولداپ وتىرادى. ديسپەتچەر سول دەرەكتىڭ نەگىزىندە جۇمىسشىلاردى ۋاقىتىندا قاۋىپسىز جەرگە كوشىرە الادى، - دەدى مامان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى