قازاقستان دەلەگاتسياسى ساۋد ارابياسىنداعى ي ى ۇ كەزەكتەن تىس سامميتىنە قاتىستى
پرەمەر- ءمينيستردىڭ ورىنباسارى - سىرتقى ىستەر ءمينيسترى مۇرات نۇرتىلەۋ باستاعان قازاقستان رەسپۋبليكاسىنىڭ دەلەگاتسياسى اراب مەملەكەتتەرى ليگاسىنىڭ (ا م ل) جانە يسلام ىنتىماقتاستىعى ۇيىمىنىڭ (ي ى ۇ) پالەستينا ماسەلەسى بويىنشا كەزەكتەن تىس بىرلەسكەن سامميتىنە قاتىستى، دەپ حابارلايدى Kazinform.
سىرتقى ىستەر مينيسترلىگى باسپا ءسوز قىزمەتىنىڭ مالىمەتىنشە، ءىس- شاراعا ي ى ۇ- عا مۇشە مەملەكەتتەردىڭ مەملەكەت، ۇكىمەت باسشىلارى، سىرتقى ىستەر مينيسترلەرى قاتىستى. قاتىسۋشىلار پالەستينا- يزرايل قاقتىعىسىن بەيبىت جولمەن شەشۋ، پالەستيناعا زاڭدى اۋماقتاردى قايتارۋ قاجەتتىلىگى تۋرالى پىكىر ءبىلدىردى، سونداي- اق گازا سەكتورىندا اسكەري قيمىلداردى دەرەۋ توقتاتۋعا شاقىردى.
سامميتتە سويلەگەن سوزىندە ق ر سىرتقى ىستەر ءمينيسترى قازاقستان پالەستينالىقتاردىڭ ءوزىن- ءوزى انىقتاۋعا جانە استاناسى شىعىس يەرۋساليمدە ورنالاسقان 1967 -جىلعى شەكارادا حالىقارالىق دەڭگەيدە تانىلعان پالەستينا مەملەكەتىن قۇرۋعا زاڭدى قۇقىقتارىن تولىق قولدايتىنىن مالىمدەدى. تاياۋ شىعىس داعدارىسىن رەتتەۋ تەك ب ۇ ۇ قاۋىپسىزدىك كەڭەسى بەكىتكەن «ەكى حالىق ءۇشىن ەكى مەملەكەت» فورمۋلاسى نەگىزىندە عانا مۇمكىن بولاتىندىعى اتالىپ ءوتتى.
«قازاقستان گازا سەكتورىندا اسكەري قيمىلداردى دەرەۋ توقتاتۋعا شاقىرا وتىرىپ، ي ى ۇ- عا قاتىسۋشى ەلدەرمەن ىنتىماق تانىتتى جانە تانىتۋدى جالعاستىرۋدا»، - دەدى م. نۇرتىلەۋ جانە وسى ماقساتتا قازاقستان ب ۇ ۇ باس اسسامبلەياسىنىڭ ءۇ. ج. 27 -قازانداعى توتەنشە ارنايى سەسسياسىندا يوردانيا حاشيميت كورولدىگى ۇسىنعان اتىستى توقتاتۋعا شاقىراتىن قارارعا داۋىس بەرگەنىن قوسا جەتكىزدى.
ق ر سىرتقى ساياسي ۆەدومستۆوسىنىڭ باسشىسى وكىنىشكە وراي بەيبىت تۇرعىندار، ونىڭ ىشىندە تىم كوپ بالالار، ايەلدەر مەن قارتتار جانجالدىڭ جازىقسىز قۇربانى بولعانىن اتاپ ءوتتى. سونداي- اق قازىرگى ۋاقىتتا گازا سەكتورىندا جۇرگەن جانە وسى اۋماقتان كەتۋگە مۇمكىندىگى جوق ق ر ازاماتتارىنا قاتىستى جاعدايعا تەرەڭ الاڭداۋشىلىق ءبىلدىرىلدى.
وسىعان بايلانىستى م. نۇرتىلەۋ سامميتكە قاتىسۋشىلارعا يزرايل س ءى م باسشىسى ەلي كوەنمەن جاقىندا بولعان تەلەفون ارقىلى سويلەسۋى بارىسىندا اتىستى دەرەۋ توقتاتۋعا جانە بارلىق تاراپتاردىڭ وسى جانجالدى بەيبىت جولمەن شەشۋىن ىزدەۋگە شاقىرعانىن جەتكىزدى. بەيبىت تۇرعىنداردىڭ قاۋىپسىزدىگى باستى باسىمدىق ەكەنى اتالىپ ءوتتى.
قازاقستان مىسىر اراب رەسپۋبليكاسىنىڭ گازا ازاماتتارىنا مەديتسينالىق جانە گۋمانيتارلىق كومەك كورسەتۋ ءۇشىن دالىزدەر قۇرۋ تۋرالى شەشىمىن جوعارى باعالادى. ءوز كەزەگىندە، ەلىمىز پالەستينانىڭ باۋىرلاس حالقى ءۇشىن ءبىر ميلليون ا ق ش دوللارى كولەمىندە كومەك بەردى جانە قوسىمشا گۋمانيتارلىق كومەك كورسەتۋدى جوسپارلاپ وتىر.
ق ر س ءى م باسشىسى حالىقارالىق جانە گۋمانيتارلىق ۇيىمدارعا گازا سەكتورىنداعى قازىرگى اسا كۇردەلى جاعدايعا ارالاسۋعا ءوتىنىش ءبىلدىرىپ، گازا تۇرعىندارى ءۇشىن توتەنشە گۋمانيتارلىق كومەك كورسەتۋ ءۇشىن ازىق- تۇلىك قاۋىپسىزدىگى جونىندەگى يسلام ۇيىمىنىڭ قولدانىستاعى تەتىگىن پايدالانۋدى ۇسىندى.
سامميت قورىتىندىسى بويىنشا قاتىسۋشىلار گازا سەكتورى يوردان وزەنىنىڭ باتىس جاعالاۋىنداعى پالەستينا تەرريتوريالارىنىڭ اجىراماس بولىگى بولىپ تابىلاتىندىعى تۋرالى قارار قابىلدادى. يزرايلگە سەكتورداعى قارۋلى قاقتىعىس ءۇشىن جاۋاپكەرشىلىك جۇكتەلدى. امل جانە ي ى ۇ ەلدەرى پالەستينالىقتاردى قولداۋ ءۇشىن قارجىلىق قاۋىپسىزدىك جۇيەسىن قۇرۋعا كەلىستى.
سامميت بارىسىندا ق ر سىرتقى ساياسي ۆەدومستۆوسىنىڭ باسشىسى پاكىستان پرەمەر- ءمينيسترى انۆار- ۋل- حاك كاكارمەن، بانگلادەش سىرتقى ىستەر ءمينيسترى ابۋل كالام ابدۋل مومەنمەن، بەنين سىرتقى ىستەر ءمينيسترى شەگۋن ادجادي باكاريمەن، مالايزيا سىرتقى ىستەر ءمينيسترى سايفۋددين ابدۋللامەن، نيگەريا سىرتقى ىستەر ءمينيسترى دجەفري ونەيامامەن، ومان سىرتقى ىستەر ءمينيسترى اساد بين تاريكپەن ءبىرقاتار ەكىجاقتى كەزدەسۋلەر وتكىزدى، سونداي- اق ي ى ۇ باس حاتشىسى حيسەين براحيم تاحايمەن سويلەستى. تاراپتار ساياسي، ساۋدا- ەكونوميكالىق، ينۆەستيتسيالىق جانە مادەني- گۋمانيتارلىق سالالارداعى ەكىجاقتى ىنتىماقتاستىقتىڭ وزەكتى ماسەلەلەرىن تالقىلادى.
سونىمەن قاتار م. نۇرتىلەۋ ساۋد ارابياسىنىڭ ينۆەستيتسيالار ءمينيسترى - قازاقستان- ساۋد ۇكىمەتارالىق كوميسسياسىنىڭ تەڭ ءتوراعاسى حاليد ءال- فاليحپەن كەزدەسۋ وتكىزىپ، ونىڭ بارىسىندا تاراپتار ۇكىمەتارالىق كوميسسيانىڭ 6-شى وتىرىسى، ىسكەرلىك كەڭەستىڭ 1- وتىرىسى جانە ەكى ەل اراسىنداعى ينۆەستيتسيالىق دوڭگەلەك ۇستەل سياقتى بىرلەسكەن الداعى ءىس- شارالارعا دايىندىق بارىسىن تالقىلادى.
ايتا كەتەيىك، يسلام ىنتىماقتاستىعى ۇيىمى (2011 -جىلعا دەيىن - يسلام كونفەرەنتسياسى ۇيىمى) 1969 -جىلى قۇرىلعان. ي ى ۇ باس حاتشىلىعى دجيددا قالاسىندا (ساۋد ارابياسى كورولدىگى) ورنالاسقان.
قازىرگى ۋاقىتتا ي ى ۇ - جالپى حالقى 1,7 ميللياردتان اساتىن 57 مۇشە مەملەكەتى بار جانە ب ۇ ۇ- دان كەيىنگى ەكىنشى ءىرى حالىقارالىق ۇيىم. قازاقستان 1995 -جىلدىڭ جەلتوقسانىندا ۇيىمعا مۇشە بولدى.
