قازاقستان بولگارياعا ۋران جەتكىزەدى
استانا. KAZINFORM - قازاقستان بولگارياعا ۋران جەتكىزۋدى جوسپارلاپ وتىر. بۇل تۋرالى بۇگىن اقوردادا «سامۇرىق-قازىنا» ا ق باسشىسى نۇرلان جاقىپوۆ ايتتى.
- بولگاريادا ەكى بلوكتان تۇراتىن اتوم ەلەكتر ستانساسى بار. ءار بلوگىنىڭ قۋاتى 1,2 مەگاۆاتتى قۇرايدى. ۋرانىمىزدى بولگار ا ە س- ىنە جەتكىزۋ بويىنشا ىنتىماقتاستىق ءۇشىن الەۋەتتى الاڭ بار، - دەدى ول ب ا ق وكىلدەرىنە بەرگەن سۇحباتىندا.
ايتا كەتەيىك، بۇگىن اقوردادا مەملەكەت باسشىسى قاسىم-جومارت توقايەۆ ەلىمىزگە رەسمي ساپارمەن كەلگەن بولگاريا پرەزيدەنتى رۋمەن راديەۆپەن شاعىن جانە كەڭەيتىلگەن قۇرامدا كەلىسسوز جۇرگىزدى.
كەلىسسوزدەر قورىتىندىسىندا ءبىرقاتار كەلىسىمگە قول قويىلىپ، پرەزيدەنتتەر ب ا ق وكىلدەرىنىڭ الدىندا ءسوز سويلەدى. ءسوز سويلەۋ بارىسىندا قاسىم-جومارت توقايەۆ ترانسكاسپي حالىقارالىق كولىك دالىزىنە بولگاريانىڭ بۋرگاس جانە ۆارنا تەڭىز پورتتارىن قوسۋ ماسەلەسى قاراستىرىلعانىن، قازاق- بولگار بيزنەس فورۋمى ءوتىپ، وندا ءبىرقاتار كوممەرتسيالىق قۇجات راسىمدەلەتىنىن ايتتى.
ال رۋمەن راديەۆ قازاقستاننىڭ عارىش سالاسىنداعى جەتىستىكتەرىن كورىپ تاڭعالعانىن اتاپ ءوتتى.
اۆتور
مارلان جيەمباي
