قازاقستان بەنزين ەڭ ارزان 5 ەلدىڭ قاتارىنا كىردى
وسى جىلدىڭ قاڭتار- تامىز ايلارىنىڭ قورىتىندىسىندا ەلىمىزدە 3,4 ميلليون توننا بەنزين ءوندىرىلدى. بۇل بىلتىرعىدان 5,4 پايىزعا كوپ، دەپ حابارلايدى Kazinform.
Energyprom.kz پورتالىنىڭ مالىمەتىنشە، وڭىرلەر بويىنشا شىمكەنت ادەتتەگىدەي ەڭ كوپ بەنزين ءوندىردى: 1,3 ميلليون توننا، الايدا ءبىر جىلدا 8,2 پايىزعا ازايعان. ۇزدىك ۇشتىككە اتىراۋ (1,2 ميلليون توننا، 30,4 پايىزعا كوبەيگەن) جانە پاۆلودار (980,4 مىڭ توننا، 0,6 پايىزعا كوبەيگەن) وبلىستارى كىردى.
جالپى، 2022 -جىلى ەلىمىزدە بەنزين ءوندىرىسى 5 ميلليون توننانى قۇراپ، 2021 -جىلمەن سالىستىرعاندا 3,1 پايىزعا ارتتى.
قىركۇيەكتە بەنزين باعاسى بىلتىرعىمەن سالىستىرعاندا 13,4 پايىزعا ءوستى. ونىڭ ىشىندە ا ي-98 - 11,7، ا ي-92 - 12,8، ا ي-95/ا ي-96 16,8 پايىزعا قىمباتتادى. ا ي-92 ماركالى بەنزيننىڭ ءبىر ليترىنىڭ ورتاشا باعاسى - 203 تەڭگە، ا ي-95/ا ي-96 - 249 تەڭگە، ا ي-98 - 261 تەڭگە.
وڭىرلەر بويىنشا الماتىداعى بەنزين باعاسى ەڭ كوپ قىمباتتادى: بىلتىرعى قىركۇيەكپەن سالىستىرعاندا 15 پايىزعا. ودان كەيىن الماتى وبلىسى جانە قاراعاندى وبلىسى: تيىسىنشە 14,4 جانە 14,3 پايىز.
بيىل 13 -قازانداعى جاعداي بويىنشا، الەمدەگى ەڭ ارزان بەنزين مىسىردا تىركەلدى: ليترىنە ا ق ش 0,32 دوللارى (153,24 تەڭگە). ودان كەيىنگى ورىندا الجير (0,32 دوللار) جانە كۋۆەيت (0,34 دوللار/ 162,81 تەڭگە) تۇر.
قازاقستاندا بەنزين ليترى 0,46 دوللار/ 220,28 تەڭگەنى قۇراپ، بەسىنشى ورىنعا تۇراقتادى.
ت م د ەلدەرى اراسىندا دا ەڭ ارزان بەنزين قازاقستاندا.
رەسەي الەم بويىنشا بەنزين ارزاندىعى جونىنەن جەتىنشى ورىندا تۇر: 0,53 دوللار/253,80 تەڭگە.
ازەربايجاندا ءبىر ليتر بەنزين 0,62 دوللار/ 296,90 تەڭگە، بەلارۋستە — 0,75 دوللار/359,15 تەڭگە، وزبەكستاندا — 0,89 دوللار/426,19 تەڭگە، ارمەنيادا — 1,2 دوللار/574,64 تەڭگە، ۋكراينادا — 1,44 دوللار/689,57 تەڭگە.
ەڭ قىمبات بەنزين گونكونگتا (2,88 ا ق ش دوللارى/1379,14 تەڭگە)، فينليانديادا (2,23 ا ق ش دوللارى/1067,87 تەڭگە) جانە گرەكيادا (2,14 ا ق ش دوللارى/1024,77 تەڭگە) تىركەلگەن.
اۆتور
مارلان جيەمباي
