قازاقستان، ازەربايجان جانە گرۋزيا اراسىندا ءبىرىڭعاي تەمىرجول اكىمشىلىگى قۇرىلادى
استانا. KAZINFORM - اتالعان ءۇش ەل ارقىلى وتەتىن جۇك تاسىمالى «ءبىر تەرەزە» قاعيداتىمەن جۇمىس ىستەيدى. بۇل تۋرالى كولىك ۆيتسە-ءمينيسترى ماقسات قالياقپاروۆ ءمالىم ەتتى.
- قازاقستان، ازەربايجان جانە گرۋزيانىڭ كولىك مينيسترلىكتەرى دەڭگەيىندە ترانسكاسپي حالىقارالىق كولىك باعىتىن دامىتۋ اياسىندا جۇمىس توبى قۇرىلدى. قازىر ءۇش ەلدىڭ كولىك قاتىناسىن ينتەگراتسيالاۋ باعىتىندا اۋقىمدى جۇمىس اتقارىلىپ جاتىر. ءۇش ەلدىڭ اراسىندا «ءبىر تەرەزە» قاعيداتىمەن جۇمىس ىستەيتىن تەمىرجول اكىمشىلىگى قۇرىلادى. دەمەك قازاقستان، ازەربايجان جانە گرۋزيا ارقىلى وتەتىن جۇكتى ءبىر وپەراتور، ءبىرىڭعاي تولەم ارقىلى تاسىمالداۋعا بولادى، - دەدى ماقسات قالياقپاروۆ ب ا ق وكىلدەرىنىڭ ساۋالىنا جاۋاپ بەرە تۇرىپ.
ونىڭ ايتۋىنشا، تەمىرجول اكىمشىلىگى، ياعني ءۇش ەلدىڭ بىرلەسىپ قۇرعان كاسىپورىن استانا حالىقارالىق قارجى ورتالىعىندا تىركەلگەن.
- ەلوردادا ورنالاسقان حالىقارالىق قارجى ورتالىعى ءۇش ەل ءۇشىن بارلىق قىزمەتتى «ءبىر تەرەزە» قاعيداتىمەن ۇسىنادى، - دەپ تولىقتىردى ۆيتسە-مينيستر.
بۇعان دەيىن قازاقستاندا تاعى ەكى اۋەجايدىڭ سەنىمگەرلىك باسقارۋعا بەرىلەتىنىن حابارلاعان ەدىك.
ايتا كەتەيىك، بۇگىن ەلوردادا «كولىك جانە لوگيستيكا نارىعى» تاقىرىبىندا VI حالىقارالىق كونفەرەنتسياسى جانە GLOBAL Avia DAY اۋە تاسىمالدارىن دامىتۋ جونىندەگى I حالىقارالىق فورۋمى ءوتىپ جاتىر.
