قازاقستان ازاماتتىعىنان شىققىسى كەلەتىندەر سانى 15 ەسە ازايعان
پرەزيدەنت جانىنداعى ازاماتتىق ماسەلەلەر جونىندەگى كوميسسيانىڭ وتىرىسى ءوتتى، دەپ حابارلايدى Kazinform اقوردانىڭ باسپا ءسوز قىزمەتىنە سىلتەمە جاساپ.
مەملەكەتتىك كەڭەسشى ەرلان قاريننىڭ توراعالىعىمەن قازاقستان رەسپۋبليكاسىنىڭ پرەزيدەنتى جانىنداعى ازاماتتىق ماسەلەلەر جونىندەگى كوميسسيانىڭ كەزەكتى وتىرىسى ءوتتى.
وتىرىستا ازاماتتىق تۋرالى ءبىرقاتار ماسەلە قارالدى. سونىمەن قاتار، كوميسسيا قىزمەتىنىڭ نەگىزگى باعىتتارى بويىنشا قازاقستان رەسپۋبليكاسى پرەزيدەنتىنىڭ قۇقىقتىق ماسەلەلەر جونىندەگى كومەكشىسى ەرجان جيەنبايەۆتىڭ، ىشكى ىستەر ءمينيسترى ەرجان سادەنوۆتىڭ جانە ءتيىستى مەملەكەتتىك ورگاندار اتقارعان جۇمىستار جايىنداعى وزگە دە لاۋازىمدى تۇلعالاردىڭ ەسەبى تىڭدالدى.
سونىمەن قاتار، كوميسسيا ءتوراعاسى قازاقستان ازاماتتىعىنان شىققىسى كەلەتىن تۇلعالاردىڭ سانى سوڭعى 4 جىلدا 15 ەسەگە تومەندەگەنىن ايتىپ، مۇنى وڭ ءۇردىس رەتىندە باعالادى. ناقتى ايتقاندا، 2019-جىلى مۇنداي ادامداردىڭ سانى 1,7 مىڭ، 2020-جىلى - 0,9 مىڭ بولسا، 2021-جىلى - 123، ال 2022-جىلى - 114 ادام بولعان.
كوميسسيا قورىتىندىسى بويىنشا ءتيىستى شەشىمدەر قابىلدانىپ، ناقتى ۇسىنىمدار ازىرلەندى.
