قازاقستان گازا سەكتورىنداعى ازاماتتارىن ەۆاكۋاتسيالاي باستادى

«قازاقستاننىڭ مىسىرداعى، يوردانياداعى جانە يزرايلدەگى ەلشىلىكتەرىنىڭ ۇيلەسىمدى جانە ناقتى ءىس- قيمىلىنىڭ ارقاسىندا بۇگىن وتانداستارىمىزدى گازا سەكتورىنان ەۆاكۋاتسيالاۋ پروتسەسى باستالدى. بۇگىن، 13-قاراشادا 44 ازاماتتان تۇراتىن ءبىرىنشى توپتىڭ ەۆاكۋاتسياسى جوسپارلانعان. بۇل توپقا قازاقستاننىڭ 40 ازاماتى جانە ولاردىڭ 4 شەتەلدىك وتباسى مۇشەلەرى كىرەدى»، - دەدى ول.

ونىڭ اتاپ وتۋىنشە، قازاقستاننان بولەك ماروككو، يوردانيا، رەسەي، يسپانيا، شۆەتسيا، پەرۋ، نيدەرلاند، ۇلىبريتانيا جانە ا ق ش ءوز ازاماتتارىن ەۆاكۋاتسيالايدى.

«رافاك بەكەتىنەن بارلىعى 594 ادام وتەدى دەپ جوسپارلانعان. ەۆاكۋاتسيا گازا سەكتورى مەن مىسىر اراسىندا ورنالاسقان رافاك باقىلاۋ- وتكىزۋ پۋنكتى ارقىلى جۇزەگە اسادى. پۋنكتەن وتكەننەن كەيىن قازاقستاندىقتار كايرگە كولىكپەن جەتكىزىلىپ، قوناق ۇيگە ورنالاستىرىلادى. سودان كەيىن قازاقستانعا جەتكىزىلەدى. قازىرگى تاڭدا قازاقستاندىق ديپلوماتتار كايردەن رافاك پۋنكتىنە جولعا شىقتى. جاقىن ارادا، ءبىر ساعاتتىڭ ىشىندە جەتۋى كەرەك»، - دەدى ايبەك سمادياروۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى