قازاقستان استىعى ەندى مىسىر جانە اراب ەلدەرىنە ەكسپورتتالادى

- بىلتىر 26,8 ميلليون توننا استىق جينالدى. بۇگىنگى كۇنى ونىڭ ءبارى ەلوۆاتورلارعا كىرگىزىلگەن. ونىڭ 8,2 ميلليون تونناسى تاسىمالداندى. سونىڭ 4,8 ميلليون تونناسى ەكسپورتقا شىقتى. بۇل جۇمىس ارى قاراي جالعاسۋدا. جاڭا نارىقتار اشىلىپ جاتىر، رەسەي ارقىلى دا، بالتىق ەلدەرى ارقىلى دا ەكسپورتتى جۇزەگە اسىرىپ جاتىرمىز. قوسىمشا، مىسىر، اراب ەلدەرىنىڭ نارىعىنا شىعامىز دەپ جوسپارلاپ وتىرمىز. ءتيىستى كەلىسىمشارت جاساسۋعا 17 ءسى كۇنى (اقپاننىڭ - رەد.) سول جاققا ساپارعا شىعامىز، - دەدى مينيستر.

ۆەدومستۆو باسشىسى ەل قامبالارىندا ءالى دە مول استىق قورى بار ەكەنىن اتاپ ءوتتى.

- 20 ميلليون تونناعا جۋىق استىق بار. ونىڭ 12 ميلليونىن ەكسپورتتاۋ كەرەك. اتاپ وتكەنىمدەي، 4,8 ميلليونى ەكسپورتتالدى. بۇل جۇمىستار جالعاسادى، - دەدى ول.

بۇدان بولەك ول استىقتار ديىرمەندەرگە ۇن وندىرۋگە، سونداي-اق مالدىڭ ازىعى رەتىندە قولدانۋعا دا جىبەرىلىپ جاتقانىن اتاپ ءوتتى.

ايتا كەتەيىك، ەلىمىزدە ءبيداي ەگۋ ازايىپ، رەنتابەلدىلىگى جوعارى داقىلدار اۋماعى ارتتىرىلىپ جاتىر.

سونداي-اق اۋىل شارۋاشىلىعى كاسىپكەرلەرىنە جەڭىلدەتىلگەن ليزينگكە قارجى ءبولۋ قاشان باستالاتىنىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى