قازاقستان اسكەرى قاشان تولىق قازاقشالانادى
استانا. KAZINFORM - بۇگىندە اسكەري وقۋ ورىندارىندا كۋرسانتتاردىڭ 70 پايىزى مەملەكەتتىك تىلدە ءبىلىپ الىپ جاتىر.
ءماجىلىستىڭ جالپى وتىرىسىنان كەيىن ب ا ق وكىلدەرى قورعانىس ءمينيسترىنىڭ ورىنباسارى شايح-حاسان جازىقبايەۆ اسكەردەگى انا ءتىلدىڭ جاعدايىنا قاتىستى ساۋال قويدى. ماسەلە اسكەر جانە اسكەري وقۋ ورىندارىنداعى وقۋلىقتاردىڭ دەنى ورىس تىلىندە بولىپ وتىر.
- اسكەردى قازاقشالاۋ باستالىپ كەتكەن. بۇگىندە اسكەري وقۋ ورىندارىندا %70 قازاق تىلىندە ءبىلىم بەرىلەدى. وقۋلىقتارعا كەلسەك، ءاربىر اسكەري تەحنيكانىڭ نۇسقاۋلىعى، تەحنيكالىق مىنەزدەمەسى قازاق تىلىندە. 70 پايىزدان كوتەرۋ جوسپاردا بار، - دەپ قىسقا قايىردى ءمينيستردىڭ ورىنباسارى.
بۇعان دەيىن حابارلاعانىمىزداي، قورعانىس مينيسترلىگى كەنەسارى حان، ساعادات نۇرماعامبەتوۆ پەن باۋىرجان مومىش ۇلىنىڭ سوعىس تاسىلدەرىن زەرتتەپ جاتىر.
ايتا كەتەيىك، بۇگىن ءماجىلىستىڭ جالپى وتىرىسىندا «ب ۇ ۇ-نىڭ ءبولۋدى باقىلاۋ جونىندەگى كۇشتەرىنە (UNDOF) رەسۋرس ۇسىناتىن ق ر ۇكىمەتى مەن ب ۇ ۇ اراسىنداعى ءوزارا تۇسىنىستىك تۋرالى مەموراندۋمدى راتيفيكاتسيالاۋ تۋرالى» زاڭى مەن «2024 -جىلعى 14-اقپانداعى ب ۇ ۇ-نىڭ ءبولۋدى باقىلاۋ جونىندەگى كۇشتەرىنە (UNDOF) رەسۋرس ۇسىناتىن قر ۇكىمەتى مەن ب ۇ ۇ اراسىنداعى ءوزارا تۇسىنىستىك تۋرالى مەموراندۋمعا حاتتار الماسۋ نىسانىنداعى كەلىسىمدى راتيفيكاتسيالاۋ تۋرالى» زاڭى قابىلداندى.
