قازاقستان پالەستيناعا گۋمانيتارلىق كومەك رەتىندە 1 ميلليون دوللار جىبەردى
مەملەكەت باسشىسىنىڭ تاپسىرماسى بويىنشا ەلىمىز پالەستينا حالقىنا گۋمانيتارلىق كومەك جىبەردى. بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى، دەپ حابارلايدى Kazinform.
«گازا سەكتورىنداعى جاعدايدى ەسكەرە وتىرىپ، قازاقستان پالەستينا حالقىنا 1 ميلليون ا ق ش دوللارى كولەمىندە گۋمانيتارلىق كومەك كورسەتۋگە شەشىم قابىلدادى. بۇل شەشىمدى ق ر پرەزيدەنتى قاسىم- جومارت توقايەۆ تۇركى مەملەكەتتەرى ۇيىمىنىڭ سامميتىندە ايتتى. قازاقستان ۇكىمەتى بولگەن قارجى ب ۇ ۇ تاياۋ شىعىس اگەنتتىگىنە اۋدارىلدى»، - دەدى ايبەك سمادياروۆ مينيسترلىكتە وتكەن باسپا ءسوز ءماسليحاتىندا.
س ءى م رەسمي وكىلى مالىمدەگەندەي، گۋمانيتارلىق قىزمەت قازاقستاننىڭ سىرتقى ساياساتىنىڭ ماڭىزدى باعىتى.
«بەيبىت ساياسات پەن ادىلدىك قاعيداتىن ۇستاناتىن قازاقستان ءارقاشان توتەنشە جاعدايعا تاپ بولعان مەملەكەتتەرگە قولداۋ كورسەتۋگە ۇمتىلادى»، - دەپ تولىقتىردى ا. سمادياروۆ.
