قازاقستان اجىراسۋ جيىلىگى بويىنشا 2-ورىندا دەگەن اقپارات جالعان - ۇلتتىق ستاتيستيكا بيۋروسى

«قازاقستان اجىراسۋ جيىلىگى بويىنشا 4,6 كوەففيتسيەنتپەن مالديۆتان كەيىنگى ەكىنشى ورىندا تۇر»، - دەلىنگەن اقپارات شىندىققا جاناسپايدى.

ايتا كەتەرلىگى، جالعان اقپاراتتىڭ باستى دەرەككوزى - worldpopulationreview.com سايتىنداعى ماقالا. 2022 -جىلدىڭ قورىتىندىسىندا اجىراسۋ كوەففيتسيەنتى 1000 ادامعا شاققاندا 2,27 نى قۇرادى. 2020 جانە 2021 -جىلدارمەن (تيىسىنشە 2,56 جانە 2,54) سالىستىرعاندا كوەففيتسيەنتتىڭ تومەندەۋى بايقالادى. 2023 -جىلدىڭ قورىتىندى دەرەكتەرى ءساۋىر ايىنىڭ سوڭىندا جاريالانادى»، - دەلىنگەن ۆەدومستۆو تاراتقان اقپاراتتا.

ۇلتتىق ستاتيستيكا بيۋروسى ماقالا اۆتورىنا الەمدىك رەسۋرستا قاتە دەرەكتىڭ تارالعانى تۋرالى حات جىبەرگەن. سونىمەن قاتار بيۋرو رەسمي دەرەككوزدەرگە سۇيەنۋدى، تاراتىلعان دەرەكتەردى قايتادان تەكسەرىپ الۋدى وتىنەدى.

بۇعان دەيىن ranking.kz سايتىنا سىلتەمە جاساپ اجىراسۋ جيىلىگى بويىنشا قازاقستان مالديۆ ارالدارىنان كەيىنگى ورىندا تۇرعانىن جازعان ەدىك.

اۆتور
مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى