قازاقستان اجىراسۋ بويىنشا الەمدىك رەيتينگتە نەشىنشى ورىندا؟
قازاقستان اجىراسۋ سانى بويىنشا الەمدىك رەيتينگتە 16-ورىندا تۇر، دەپ حابارلايدى ranking.kz. بيىلعى جىلدىڭ I جارتىجىلدىعىنىڭ قورىتىندىسى بويىنشا قازاقستاندا 53,8 مىڭ نەكەنى تىركەلگەن. بۇل بىلتىرمەن سالىستىرعاندا 2,2 پايىزعا از. قالالاردا نەكە سانى جىلىنا 16,7 پايىزعا، 35,5 مىڭعا دەيىن قىسقارسا، اۋىلداردا، كەرىسىنشە، بىردەن 47,4 پايىزعا، ياعني، 18,4 مىڭعا دەيىن وسكەن.
التى ايداعى اجىراسۋلار سانى 8,2 مىڭدى قۇرادى. بۇل كورسەتكىش بىلتىرعىعا قاراعاندا 9 پايىزعا از. قالالاردا اجىراسۋ سانى ءبىر جىلدا 14,8 پايىزعا، اۋىلداردا-12,6 پايىزعا قىسقارعان.
وڭىرلىك ءبولىنىس بويىنشا ەڭ كوپ نەكە الماتىدا تىركەلگەن - 5,7 مىڭ. ءبىراق بۇل ءبىر جىل بۇرىنعىعا قاراعاندا 19,7 پايىزعا از.
«جاڭادان ۇيلەنگەندەردىڭ» ۇشتىگىنە تۇركىستان وبلىسى (5,5 مىڭ نەكە، جىلىنا مينۋس 8,3 پايىز) جانە استانا قالاسى (4,7 مىڭ نەكە، مينۋس 6,2 پايىز) ەندى. ال ەڭ از نەكە ۇلىتاۋ وبلىسىندا تىركەلدى: 663.
تىركەلگەن اجىراسۋلار سانى بويىنشا دا الماتى كوش باستاپ تۇر: 1,1 مىڭ - ءبىراق بۇل بىلتىرمەن سالىستىرعاندا 10,4 پايىزعا از. سونداي-اق، استانا (734 اجىراسۋ) مەن قاراعاندى وبلىسى (723) اجىراسۋلار بويىنشا ۇشتىككە ەندى. ەڭ از اجىراسۋ ۇلىتاۋ وبلىسىندا بولدى: 102.
ەلدەگى نەكە كوەففيسيەنتى 1000 ادامعا شاققاندا 5,77 دەن 5,46 عا دەيىن تومەندەدى. ەلوردادا نەكەنىڭ ەڭ جوعارى كوەففيسيەنتى تىركەلدى: 1000 ادامعا 6,9. كوشباسشىلار ۇشتىگىنە ماڭعىستاۋ جانە الماتى وبلىستارى دا كىردى.
اجىراسۋ كوەففيسيەنتى، احات ورگاندارىنىڭ مالىمەتتەرى بويىنشا، سوتتاردىڭ نەكەنى بۇزۋ تۋرالى شەشىمدەرىن ەسەپكە الماعاندا، 1000 ادامعا شاققاندا 0,83 قۇرادى، بۇل ءبىر جىل بۇرىن 0,94 بولعان ەدى. وڭىرلىك بولىنىستە اجىراسۋدىڭ ەڭ جوعارى كوەففيسيەنتتەرى شىعىس قازاقستان، قاراعاندى جانە پاۆلودار وبلىستارىندا، ەڭ ازى تۇركىستان وبلىسىندا تىركەلدى.
سونىمەن قاتار، Wisevoter مالىمەتتەرى بويىنشا، اجىراسۋ سانى بويىنشا قازاقستان الەمدە 114 ەلدىڭ ىشىندە 16-ورىندا تۇر. 2022 -جىلى ق ر-دا، پورتال دەرەكتەرى بويىنشا، اجىراسۋ كوەففيسيەنتى 1000 ادامعا 2,5 تى قۇرادى.
ت م د ەلدەرى اراسىندا قازاقستاننان جوعارى رەيتينگتە رەسەي (3-ورىن، 1000 ادامعا 3,9)، مولدوۆا (4-ورىن، 1000 ادامعا 3,8)، بەلارۋس (5-ورىن، 1000 ادامعا 3,7) جانە ۋكراينا (9-ورىن، 1000 ادامعا 2,9) بولدى.
قىرعىزستاندا (1000 ادامعا 1,8)، ازەربايجاندا (1000 ادامعا 1,7)، ارمەنيادا (1000 ادامعا 1,1) جانە وزبەكستاندا (1000 ادامعا 1,1) اجىراسۋلار از بولدى.
اجىراسۋلاردىڭ كوپشىلىگى مالديۆ ارالدارىندا، گۋامدا جانە رەسەيدە، ەڭ ازى ۆەتنامدا، شري-لانكادا جانە پەرۋدە تىركەلدى.
