«قازاقمىس» ۋاقىتشا جۇمىسىن توقتادى

«قازاقمىس» كومپانيالار توبى قاۋىپ ءتونۋى ىقتيمال تەلىمدەردە ءوندىرۋدى ۋاقىتشا توقتاتادى جانە بارلىق جەردە قاۋىپسىزدىك شارالارىن كۇشەيتەدى.

كەنىش توقتاپ تۇرعان كەزەڭدە قاۋىپسىزدىك ەرەجەلەرىنىڭ ساقتالۋى باقىلاۋعا الىنىپ، بارلىق جۇمىس تۇرلەرى جان-جاقتى تەكسەرىلەدى. بارلىق كەمشىلىك جويىلعاننان كەيىن عانا تەلىمدەردەگى جۇمىس قايتا جالعاسادى.

قاۋىپسىزدىكتى كۇشەيتۋ جونىندەگى كەشەندى شارالار شەڭبەرىندە قازاقمىس كومپانيانىڭ بارلىق وندىرىستىك نىساندارىن جوسپاردان تىس تەكسەرەدى، سونداي- اق ينجەنەرلىك-تەحنيكالىق پەرسونال مەن جەراستى جۇمىس ورىندارىن قايتا اتتەستاتتاۋدان وتكىزەدى. سونىمەن قاتار كوميسسيا قۇتقارۋ جابدىقتارىنىڭ دايارلىعىن، قىزمەتكەرلەردىڭ ونەركاسىپتىك قاۋىپسىزدىك تەحنيكاسى مەن توتەنشە جاعدايداعى ءىس-قيمىل الگوريتمدەرى بويىنشا ءبىلىمىن تەكسەرەدى.

بۇل قادام كومپانيانىڭ باستى باسىمدىعى - قىزمەتكەرلەردىڭ دەنساۋلىعى مەن ءومىرىن قورعاۋعا باعىتتالعان.

بۇدان بولەك كومپانيانىڭ بارلىق وندىرىستىك الاڭدارىندا ورىن الۋى ىقتيمال اپاتتىق جاعدايدا پەرسونالدىڭ ءىس-ارەكەتىن پىسىقتاۋعا جانە توتەنشە جاعدايعا دايىندىعىن جەتىلدىرۋگە باعىتتالعان جوسپاردان تىس جاتتىعۋلار وتكىزىلۋدە.

«قازاقمىس» كومپانيالار توبى ءوز قىزمەتكەرلەرى مەن ولاردىڭ وتباسى الدىنداعى جاۋاپكەرشىلىگىن تولىعىمەن تۇسىنەدى. ءبىز جۇمىس ورىندارىنداعى اپاتتىڭ الدىن الۋ جانە ءقاۋىپسىز ەڭبەك جاعدايىن قامتاماسىز ەتۋ ءۇشىن بارلىق كۇش-جىگەرىمىزدى جۇمسايمىز.

ەسكە سالا كەتەيىك، بۇعان دەيىن قازاقمىستا تاعى ءبىر كەنشى قازا تاپقانىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى