«قازاق تەلەكوم» قۇرامىنان ءبىر ۇيالى بايلانىس وپەراتورىن شىعارۋ ماسەلەسى تالقىلانىپ جاتىر
سيفرلىق دامۋ، يننوۆاتسيالار جانە ايەروعارىش ونەركاسىبى مينيسترلىگى تەلەكوممۋنيكاتسيالار كوميتەتى ءتوراعاسىنىڭ ورىنباسارى گۇلنار بوكەيەۆا «قازاق تەلەكوم» قۇرامىنان ءبىر ۇيالى بايلانىس وپەراتورىن شىعارۋ مۇمكىندىگىنە قاتىستى تۇسىنىك بەردى، دەپ حابارلايدى Kazinform.
قازىر «قازاق تەلەكوم» كومپانياسىنىڭ قۇرامىندا ەكى ۇيالى (kcell/اctiv جانە «موبايل تەلەكوم- سەرۆيس (Tele2/Altel) » ) بايلانىس وپەراتورى بار.
«كومپانيا قۇرامىنان ءبىر وپەراتوردى نارىققا شىعارۋ بويىنشا جۇمىستار «سامۇرىق- قازىنا» شەشىمىنە بايلانىستى. وسى ماسەلەنى ءبىزدىڭ مينيسترلىك اتالعان قورمەن بىرلەسە پىسىقتاپ جاتىر. ازىرگە، قازىر قاي وپەراتور ساتۋعا قويىلىپ، نارىققا شىعاتىنى بەلگىسىز»، - دەدى گ. بوكەيەۆا ەلوردادا وتكەن باسپا ءسوز ءماسليحاتىندا.
سونىمەن قاتار ۆەدومستۆو وكىلى ۇيالى بايلانىس نارىعىنىڭ باسىم ۇلەسى «قازاق تەلەكوم» قۇرامىنداعى كومپانيالارعا تيەسىلى ەكەنىن ايتتى.
«ءدال قازىر وسى كومپانيا قۇرامىنان ۇيالى بايلانىس وپەراتورى قاشان شىعاتىنىن ناقتى ايتا المايمىز»، - دەدى كوميتەت ءتوراعاسىنىڭ ورىنباسارى.
اۆتور
رۋسلان عابباسوۆ
