قازاق تەلەكوم Kcell-دى ساتا ما
الماتى. قازاقپارات - Kcell-دى ساتۋ جوسپاردا جوق. بۇل تۋرالى «قازاق تەلەكوم» اكسيونەرلىك قوعامىنىڭ يننوۆاتسيالار جونىندەگى باس ديرەكتورى نۇرلان مەيىرمانوۆ ايتتى.
- بۇل ماسەلەنى قۇقىقتىق قۇجاتتار تۇرعىسىنان قاراستىرايىق. بىزدە Kcell-دى ساتۋعا قاتىستى شەشىم نەمەسە جوسپار جوق. ونىڭ ۇستىنە، ءبىز ستراتەگيالىق تۇرعىدان وسى اكتيۆتى دامىتۋعا جانە قىزمەتتەردى بىرىكتىرۋگە باعىتتالعانبىز. بۇكىل ءونىم جەلىسى كونۆەرگەنتسيا پرينتسيپتەرىنە نەگىزدەلگەن - ۇيالى جانە تىركەلگەن بايلانىستاردى قامتيتىن وتباسىلىق تاريفتەردى قۇرۋ. سونىمەن قاتار ءبىز Kcell-مەن بىرگە جاڭا ونىمدەردى جاساۋ ۇستىندەمىز. سوندىقتان Kcell-دى ساتۋ جوسپارىمىزدا جوق، - دەپ جاۋاپ بەردى نۇرلان مەيىرمانوۆ ب ا ق وكىلدەرى قويعان ساۋالعا.
وتكەن جىلدىڭ سوڭىندا باسەكەلەستىكتى قورعاۋ جانە دامىتۋ اگەنتتىگى Kcell-دى جەكەشەلەندىرۋ باعدارلاماسىنا قوسۋدى جانە كومپانيانى باسەكەلەس ورتاعا بەرۋدى ۇسىندى. بۇل - Tele2 مەن Altel-دى ساتۋ تۋرالى مامىلەگە ۇقساس شارا.
ەسكە سالايىق، 2024-جىلى ۇيالى بايلانىس وپەراتورلارىنا 1 ميلليارد 184 ميلليون تەڭگە كولەمىندە ايىپپۇل سالىندى.
