قازاق قىزى قىسقى ازيا ويىندارىنىڭ چەمپيونى اتاندى
حاربين. KAZINFORM - قىتايدا تۋىپ-وسكەن، ۇلتى قازاق سپورتشى بايان جالىن قىزى IX قىسقى ازيا ويىندارىندا التىن مەدال ەنشىلەدى.
قازاق قىزى شاڭعى جارىسىنان ايەلدەر اراسىندا 5 شاقىرىمعا سىرعاناۋدان (ەركىن ستيل) 12 مينۋت 07.5 سەكۋند ناتيجە كورسەتىپ، مارە سىزىعىن ءبىرىنشى بولىپ كەستى.
سونداي-اق، قىتاي قۇراماسىنىڭ سپورتشىسى دينيگەر يلامۋجان كۇمىس ەنشىلەسە، تاعى ءبىر قىتايلىق سپورتشى چى چۋنشۋە قولا جۇلدەگەر اتاندى.
ايتا كەتەرلىگى، وسى جارىسقا قازاقستاندىق سپورتشىلار داريا رياجكو، نادەجدا ستەپاشكينا، كسەنيا شالىگينا جانە انگەلينا شۋرىگا قاتىستى.
قورتىندىسىندا نادەجدا ستەپاشكينا مارە سىزىعىن بەسىنشى كەسسە، كسەنيا شالىگينا جەتىنشى، انگەلينا شۋرىگا مەن داريا رياجكو سەگىزىنشى- توعىزىنشى ورىننان كورىندى.
ەسكە سالا كەتەيىك، قىتايلىق قانداسىمىز سامعار سەرىك ۇلى كەشە ەرلەر اراسىندا شاڭعىمەن سىرعاناۋدان سپرينت باعدارلاماسىندا قولا جۇلدە جەڭىپ العان بولاتىن.
بايان جالىن قىزى ق ح ر التاي ايماعى جەمەنەي اۋدانىندا دۇنيەگە كەلگەن. ول شاڭعى سپورتى تۇرلەرى بويىنشا قىتاي ۇلتتىق قۇراماسىنا قابىلدانىپ، بەيجىڭ قىسقى وليمپياداسىندا ونەر كورسەتتى.
