توقايەۆ قىتايمەن ۆيزاسىز رەجيمنىڭ ماڭىزى تۋرالى ايتتى

كەزدەسۋ بارىسىندا قازاقستان مەن قىتاي اراسىنداعى جان- جاقتى ستراتەگيالىق سەرىكتەستىكتىڭ جاي- كۇيى جانە ونى دامىتۋ پەرسپەكتيۆاسى تالقىلاندى. سونداي- اق قاسىم- جومارت توقايەۆ پەن ق ح ر ءتوراعاسى شي جينپيڭنىڭ بۇعان دەيىنگى كەزدەسۋلەرىندە قول جەتكىزىلگەن ۋاعدالاستىقتاردى جۇزەگە اسىرۋعا باسا نازار اۋدارىلدى.

قازاقستان پرەزيدەنتى قىتايدىڭ قارقىندى الەۋمەتتىك- ەكونوميكالىق دامۋىن ەرەكشە ىقىلاسپەن باقىلاپ وتىرعانىن اتاپ ءوتتى.

«ق ح ر ۇكىمەتى الەمدى تۇراقسىزدىق جايلاپ تۇرعان قازىرگى كەزەڭدە ەكونوميكانىڭ ورنىقتىلىعىن قامتاماسىز ەتۋگە قاتىستى ماڭىزدى ماسەلەنى ءتيىمدى شەشىپ وتىر. قىتايدىڭ جاھاندىق ەكونوميكانىڭ ورنىقتى دامۋىنا قوسقان ەلەۋلى ۇلەسىن جوعارى باعالايمىز. قازاقستان قىتايمەن دوستىق، تاتۋ كورشىلىك قارىم- قاتىناستى جانە جان- جاقتى ستراتەگيالىق ىنتىماقتاستىقتى نىعايتۋعا قاشاندا ەرەكشە ءمان بەرەدى. قازاقستان ق ح ر- دىڭ سەنىمدى ستراتەگيالىق سەرىكتەسى ءارى تاتۋ كورشىسى بولىپ كەلدى جانە كەلەشەكتە سولاي بولىپ قالا بەرەدى. بۇگىندە قازاق- قىتاي قاتىناسى قارقىندى دامىپ جاتىر. بۇعان جوعارى دەڭگەيدەگى بەلسەندى ساياسي ديالوگ، سونداي- اق ەكى ەل ۇكىمەتتەرىنىڭ ۇيلەسىمدى جۇمىسى ىقپال ەتۋدە، - دەدى قاسىم- جومارت توقايەۆ.

مەملەكەت باسشىسى بۇگىن ق ح ر ءتوراعاسى شي جينپيڭمەن وتە تابىستى كەلىسسوز جۇرگىزگەنىن اتاپ ءوتتى. كوپجاقتى قازاق- قىتاي قاتىناسىن ودان ءارى نىعايتۋ ءۇشىن ناقتى ۋاعدالاستىقتارعا قول جەتكىزىلدى.

«ساپارىمنىڭ اياسىندا بۇگىن ۇكىمەت دەڭگەيىندەگى 9 قۇجاتقا، ەكى ەلدىڭ بيزنەس جانە باسقا دا قۇرىلىمدارىمەن 20 دان استام كەلىسىمگە قول قويىلدى. قىتايداعى قازاقستان تۋريزمى جىلى اياسىندا ۆيزاسىز رەجيمگە جانە ترانسكاسپي حالىقارالىق كولىك باعدارىن دامىتۋعا، سونداي- اق ەنەرگەتيكا سالاسىنداعى ءوزارا ىقپالداستىعىمىزعا قاتىستى كەلىسىمدەردىڭ ماڭىزى زور ەكەنىن اتاپ وتكىم كەلەدى»، - دەدى پرەزيدەنت.

لي جياڭ ەكىجاقتى بايلانىستاردى ودان ءارى نىعايتۋ تۇرعىسىنان قاسىم- جومارت توقايەۆتىڭ ق ح ر- عا جاساعان ساپارىنىڭ ماڭىزدىلىعىنا توقتالدى

«قازاقستان مەن قىتاي حالىقتارىن عاسىرلار بويعى دوستىق قاتىناستار بىرىكتىرەدى. بيىل مامىر ايىندا قىتاي تەلەديدارىنا بەرگەن سۇحباتىڭىزدا ءسىز ءبىزدىڭ ەلىمىزدە ءبىلىم العان جانە جۇمىس ىستەگەن كەزدەگى ەستەلىكتەرىڭىزبەن ءبولىسىپ، قىتاي ءتىلىن جەتىك بىلەتىن ادام رەتىندە ءبىزدىڭ اۋديتوريامىزدى باۋراپ الدىڭىز. مەن دە سۇحباتتى كوردىم. بۇل ەلدەرىمىز اراسىنداعى دوستىقتى نىعايتۋعا تىڭ سەرپىن بەردى دەپ ويلايمىن. ءسىزدىڭ ءتوراعا شيمەن كەزدەسۋىڭىزدىڭ قورىتىندىسى بويىنشا ماڭىزدى ۋاعدالاستىقتارعا قول جەتكىزىلدى. ولار مەملەكەتتەرىمىز اراسىنداعى قارىم- قاتىناستىڭ جاڭا «التىن 30 جىلدىعى» كەزەڭىنە باعىت- باعدار بەرەدى. قىتاي تاراپى ارىپتەستەرىڭىزبەن بىرگە جوعارى دەڭگەيدە قول جەتكىزىلگەن وسى ۋاعدالاستىقتاردى جۇزەگە اسىرۋعا، عاسىرلار بويعى دوستىق بايلانىستار مەن ءوزارا ءتيىمدى ىنتىماقتاستىقتى نىعايتۋعا دايىن»، - دەدى لي جياڭ.

كەزدەسۋ بارىسىندا اۋىل شارۋاشىلىعى، ينۆەستيتسيا، كولىك جانە ترانزيت، ەنەرگەتيكا، مۇناي- گاز حيمياسى، گەولوگيالىق بارلاۋ، اۆتوكولىك قۇراستىرۋ، جوعارى تەحنولوگيا، تسيفرلاندىرۋ سالالارىنداعى ءوزارا ىقپالداستىقتى نىعايتۋ ماسەلەلەرى قاراستىرىلدى.

سونىمەن قاتار قاسىم- جومارت توقايەۆ پەن لي جياڭ ترانسشەكارالىق وزەندەردى بىرلەسىپ پايدالانۋ جونىندەگى ىنتىماقتاستىقتى جالعاستىرۋعا ءوزارا بەيىلدى ەكەنىن راستادى.

ەسكە سالايىق، كەشە قاسىم- جومارت توقايەۆ قىتاي حالىق رەسپۋبليكاسىنا رەسمي ساپارمەن باردى.

مەملەكەت باسشىسى ق ح ر ءتوراعاسى شي جينپيڭمەن كەلىسسوز جۇرگىزدى. وسى كەلىسسوز ناتيجەسىندە ەكى ەلدىڭ دەلەگاتسيا مۇشەلەرى ءبىرقاتار قۇجاتقا قول قويدى.

ق ر پرەزيدەنتى بەيجىڭدە ءابۋ ناسىر ءال- فارابيگە قويىلعان ءبيۋستتى سالتاناتتى تۇردە اشتى.

كەيىن ق. توقايەۆ بەيجىڭ لينگۆيستيكالىق ينستيتۋتىندا تاعىلىمدامادان وتكەن كەزىندە وزىنە ءدارىس بەرگەن پروفەسسور ليۋ شيتسينمەن اڭگىمەلەسىپ، مەملەكەت باسشىسى SINOPEC كومپانياسى ديرەكتورلار كەڭەسىنىڭ ءتوراعاسى ما يۋنشەندى قابىلدادى.

ق. توقايەۆتىڭ ساپارى شەڭبەرىندە 30 كەلىسىمگە قول قويىلدى.

اۆتور

گۇلميرا الياكپاروۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى