«قازاق مىس» پەن جۇمىسشىلارى قانداي كەلىسىمگە كەلگەنى بەلگىلى بولدى

تاراپتار ەكى جاققا ءدا تيىمدى كەلىسىمگە قول جەتكىزدى. جۇمىسشىلار بۇعان دەيىن ۇسىنىلعان شارتتارمەن كەلىستى:

• 13-جالاقىعا قوسىمشا %30 سىياقى تولەۋ؛

• توقسان سايىن بەرىلەتىن سىياقى ەنگىزۋ؛

• 2025-جىلعى 1-قاڭتاردان باستاپ جالاقىنى %8,5 عا يندەكساتسيالاۋ.

ءوز كەزەگىندە جۇمىسشىلار وڭتۇستىك جەزقازعان كەنىشىنىڭ شتاتتىق جۇمىسىن قالپىنا كەلتىرۋگە دايىن ەكەندەرىن جەتكىزدى.

«قازاق مىس» كورپوراتسياسى» ج ش س باسقارما ءتوراعاسى نۇراحمەت نۋريەۆ ەرەۋىلگە قاتىسقان جۇمىسشىلارعا ەشقانداي شاعىم جوق ەكەنىن اتاپ ءوتتى.

«قازاق مىس» كورپوراتسياسى بارلىق تاراپقا ىمىراعا كەلۋگە باعىتتالعان سىندارلى ديالوگ پەن كۇش-جىگەر ءۇشىن العىس بىلدىرەدى.

كومپانيا بۇل كەلىسىم جۇمىسشىلار مەن جۇمىس بەرۋشى اراسىنداعى سەرىكتەستىك قاتىناستى نىعايتۋعا جاسالعان ماڭىزدى قادام ەكەنىنە جانە كورپوراتسيا كاسىپورىندارىنىڭ ودان ءارى دامۋىنا ىقپال ەتەتىنىنە سەنىمدى.

ايتا كەتەيىك، وسىعان دەيىن «قازاق مىس» كورپوراتسياسى 2025-جىلدىڭ 1-قاڭتارىنان باستاپ جالاقىنى كوتەرۋدىڭ ەكى نۇسقاسىن ۇسىنعانى حابارلاندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى