قازاق حالقىنىڭ ۇلەسى 70,4 پايىزعا جەتتى
قازاقتاردىڭ ۇلەسى 70,4 پايىز دەيىن ءوستى، دەپ حابارلايدى Kazinform ۇلتتىق ستاتبيۋروعا سىلتەمە جاساپ.
2021 -جىلعى ساناق قورىتىندىسى بويىنشا قازاقتاردىڭ سانى - 13,4 ميلليون.
2009 -جىلدان بەرگى ءوسىم - 33,7 پايىز (10 ميلليون - 2009 -جىلى)، جالپى حالىق سانىنداعى قازاقتاردىڭ ۇلەسى 63,1 پايىزدان 70,4 پايىزعا دەيىن ءوستى.
سونداي-اق، سانى كوپ ۇلتتار قاتارىنا ورىستار - 2,9 ميلليون، وزبەكتەر - 614 مىڭ، ۋكرايندار - 387 مىڭ جانە ۇيعىرلار - 290 مىڭ ادام كىردى.
قازاقستاندا تاعى قانداي ەتنوستار تۇرادى؟
ساناق قورىتىندىسى بويىنشا ەلىمىزدەگى ەتنوستار سانى - 124.
ولاردىڭ اراسىندا ليۆتەر، ۆەپسىلەر، وروچتار، دولگاندار، دانيالىقتار، ۋدەگەيلەر، ساحۋرلار، مانسىلار، نانايلار، موڭعولدار، سەلكۋپتەر، چۋكچالار، ۋلتا، نيۆحتەر، يجورلار، كەتتەر، كورياكتار، قىرىمشاقتار، نگاناساندار، ساامدار، چۋۆاندار بار.
ايتا كەتەيىك، 2021 -جىلعى ساۋالناماعا ۇلتتى «كورسەتپەۋ» جاۋاپ نۇسقاسى قوسىلعان.
وسىلايشا 24,8 مىڭ ادام ءوز ۇلتىن كورسەتۋدەن باس تارتقان.
سونداي-اق 2021 -جىلى ساناق كەزىندە «باسقا ۇلت» جاۋابىن تاڭداعاندار 47,5 مىڭ ادامدى قۇرادى، ال 2009 -جىلى مۇنداي ادامداردىڭ 8 ى بولعان.
