«قازاق فيلم» ا ق ەكس-پرەزيدەنتىنە جەمقورلىققا جول بەردى دەگەن كۇدىك كەلتىرىلىپ وتىر
ق ر سىبايلاس جەمقورلىققا قارسى ءىس-قيمىل اگەنتتىگى مەملەكەت باسشىسىنىڭ زاڭسىز ساتىپ الىنعان اكتيۆتەردى ىزدەۋ جانە قايتارۋ جونىندەگى تاپسىرمالارىن ورىنداۋ ماقساتىندا «شاكەن ايمانوۆ اتىنداعى «قازاق فيلم» ا ق بۇرىنعى پرەزيدەنتىنىڭ قىلمىستىق ارەكەتىن اشكەرەلەدى.
بۇل تۋرالى Kazinform ق ر سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتىنە سىلتەمە جاساپ حابارلايدى.
2017-جىلى الماتى وبلىسىنىڭ ىلە وزەنى جاعاسىنداعى «كوشپەندى» كينوجوباسى اياسىندا سالىنعان جاساندى «تۇركىستان» بەكىنىسى مادەنيەت جانە سپورت مينيسترلىگىنىڭ بۇرىنعى باسشىلىعىمەن ۇلەستەس كوممەرتسيالىق ۇيىمنىڭ نارىقتىق قۇنىنان 44 ەسە تومەن باعامەن ساتىلعان.
قازىرگى ۋاقىتتا وسى اكتيۆتى جانە جەر ۋچاسكەسىن مەملەكەتكە قايتارۋ بويىنشا شارالار قابىلدانۋدا.
قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.
كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.
