قازاق ءتىلىن مەڭگەرۋ ازاماتتارعا قانداي مۇمكىندىكتەر بەرەدى - مينيسترلىك جاۋابى

بۇل تۋرالى عىلىم جانە جوعارى ءبىلىم مينيسترلىگىنىڭ Kazinform ساۋالىنا جولداعان جاۋابىندا ايتىلعان.

جىل سايىن مەملەكەتتىك ءتىلدى مەڭگەرگەن تۇرعىنداردى انىقتاۋ ءۇشىن مەملەكەتتىك قىزمەتشىلەر مەن بيۋدجەتتىك سالا قىزمەتكەرلەرى، ۇلتتىق كومپانيا وكىلدەرى مەملەكەتتىك ءتىلدى ءبىلۋ دەڭگەيى بويىنشا قازتەست جۇيەسى ارقىلى تەست تاپسىرادى.

- 2024 -جىلى دياگنوستيكالىق تەستىلەۋدەن 20 مىڭ ادام، سەرتيفيكاتتىق تەستىلەۋدەن 11513 مىڭ ادام ءوتتى. قازتەست سەرتيفيكاتى «بولاشاق» حالىقارالىق باعدارلاماسى ارقىلى وقۋعا تۇسۋگە، «نازاربايەۆ زياتكەرلىك مەكتەپتەرى» د ب ب ۇ- نىڭ پەداگوگيكالىق قۇرامىنا قابىلدانۋعا، ق ر ۇ ق ك اكادەمياسىنا تۇسۋگە، پرەزيدەنتتىك جاستار كادر رەزەرۆىنە قابىلدانۋعا، ق ر پرەزيدەنتى جانىنداعى مەملەكەتتىك باسقارۋ اكادەمياسىنا ماگيستراتۋرا مەن دوكتورانتۋراعا تۇسۋگە، ق ر جوعارى وقۋ ورىندارىنىڭ دوكتورانتۋراسىنا تۇسۋگە مۇمكىندىك بەرەدى.

2025 -جىلدىڭ 1-جەلتوقسانىنان باستاپ جوعارى وقۋ ورىندارىنا رەكتورلار لاۋازىمىنا تاعايىندالاتىن ۇمىتكەرلەرگە قازتەست جۇيەسى ارقىلى تەست تاپسىرۋ مىندەتتەلىپ وتىر.

2024 -جىلدان باستاپ قازاقستان رەسپۋبليكاسىنىڭ ازاماتتىعىن العىسى كەلەتىن ازاماتتارعا دا قازاق ءتىلى، قازاقستان تاريحى جانە ق ر كونستيتۋتسياسى نەگىزدەرىنەن تەست تاپسىرۋ مىندەتتەلىپ، 141 ادام سەرتيفيكات الدى، - دەپ جازادى ۆەدومستۆو ماماندارى.

2024 -جىلى جەرگىلىكتى اتقارۋشى ورگانداردىڭ جانىنداعى قازاق ءتىلى كۋرسىنان 45114 ادام وتكەن.

- ونىڭ ىشىندە مەملەكەتتىك قىزمەتشىلەر - 9398، قۇقىق قورعاۋ ورگاندارىنان - 4233، ءبىلىم بەرۋ سالاسىنان - 8892، مەملەكەتتىك قىزمەت كورسەتۋ سالاسىنان - 3657، مەديتسينا قىزمەتكەرلەرى - 2594، جەكە تۇلعالار - 8752، ب ا ق وكىلدەرى - 117، حالىققا قىزمەت كورسەتۋ ورتالىقتارى - 4318 ادام، - دەپ جازىلعان جاۋاپتا.

سونداي-اق بىلتىر ۇلتتىق كومپانيالار 3153 ادامعا مەملەكەتتىك ءتىل وقىتۋ كۋرستارىن ۇيىمداستىرعان. («قازاتوم ونەركاسىپ» ۇلتتىق اتوم كومپانياسى - 4، «Kegoc» - 1170، «دامۋ» كاسىپكەرلىكتى دامىتۋ قورى - 104، «قازاقستان تەمىر جولى» - 944، «قازمۇنايگاز» - 243، «قازپوشتا» - 343، «قازاقتەلەكوم» - 307، «سامۇرىق قازىنا» - 38).

- ورتالىق مەملەكەتتىك ورگانداردا - 316 ادام (ق ر دەنساۋلىق ساقتاۋ مينيسترلىگى - 20، ق ر قارجىلىق مونيتورينگ اگەنتتىگى - 30، ق ر ەڭبەك جانە حالىقتى الەۋمەتتىك قورعاۋ مينيسترلىگى - 28، ق ر پرەزيدەنتىنىڭ ءىس باسقارماسى - 127، ق ر قورعانىس مينيسترلىگى - 90، ق ر س ءى م - 21) مەملەكەتتىك ءتىل وقىتۋ كۋرستارىنا تارتىلدى. «اباي ينستيتۋتى» ونلاين پلاتفورماسى ارقىلى - 121 ادام، جەكسەنبىلىك مەكتەپتەر ارقىلى - 290 ادام مەملەكەتتىك ءتىل ۇيرەندى، - دەلىنگەن رەسمي مالىمەتتە.

بۇعان دەيىن حابارلاعانىمىزداي، 21-اقپان - حالىقارالىق انا ءتىلى كۇنىنە وراي، Kazinform عىلىم جانە جوعارى ءبىلىم مينيسترلىگىنە ساۋال جولداعان بولاتىن. مينيسترلىك جاۋابىندا ەلدەگى ءتىل وقىتۋ ورتالىقتارىندا ءوزىنىڭ انا ءتىلىن وقىپ جۇرگەندەردىڭ ناقتى سانى ايتىلعان.

رەسمي مالىمەت بويىنشا قاڭتار ايىندا ۇ ب ت تاپسىرعان تالاپكەرلەردىڭ %76،81- ى قازاق تىلىندە، %23،14- ى ورىس تىلىندە، 89 ادام اعىلشىن تىلىندە تەستىلەۋدەن وتكەن.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى