قازاق بولايىق: قازاقشاعا جۇيرىك ۋكراين قىزى كوپتىڭ ىقىلاسىنا بولەندى
استانا. قازاقپارات - ۆيدەو الەۋمەتتىك جەلىدە كوپتىڭ ىقىلىسىنا يە بولدى. ۆيدەونى الەۋمەتتىك جەلىگە «قازاقستان حالقى اسسامبلەياسىنىڭ» باسپا ءسوز حاتشىسى نازەركە وڭعار جۇكتەگەن.
بەينەدە ورامدى قازاق تىلىمەن كوپتى تامساندىرعان جامبىل وبلىسى، مەركى اۋداندىق انالار كەڭەسىنىڭ وكىلى ولگا ۆلاسەنكو ەكەن.
تاجىريبەلى ۇستاز ءوزى سەكىلدى قازاق ۇلتىنا كەلىن بولعان ۋكراين قىزىن كورىپ ەلجىرەپ كەتكەن.
«اناتاسيا مەن سياقتى ۋكراين قىزى ەكەن. ءوزىمنىڭ ءسىڭىلىم. وتە جۇرەگىم لۇپىلدەپ تۇر. ايتايىن دەگەنىم باسقا ۇلت وكىلدەرى ءبىز قازاقستاندا تۇرعاندىقتان ءبىز ءوزىمىزدىڭ تۋعان جەرىمىزدىڭ ءتىلىن بىلۋگە ءبىز مىندەتتىمىز. قالاي دەسەڭىز ولاي دەڭىز. قازاق ءتىلى وتە باي ءتىل. نە دەگەن سالت-ءداستۇر. نە دەگەن ۇلتتىق تاعامدار. سىزدەر جەگەن قۇرت ءبىزدىڭ قوستاعاننان باسقا ەش جەردە جوق. مەن ءوزىم دە قۇرت جاسايمىن. سوندىقتان بارلىعىمىز قازاق ءتىلىن ۇيرەنەيىك. قازاق بولايىق. ەلىمىزدىڭ اتىن بار الەمگە تانىتايىق. ەلدىڭ بارلىعى بىزگە قىزىعىپ قارايتىن بولسىن. جاماندىق بولماسىن. بىرلىگىمىز جاساسىن. بەيبىتشىلىك بولسىن»، - دەيدى ولگا ۆلاسەنكو.
وسىنداي تىلەك ارناعان ول سىڭلىسىنە «جولىمدى بەرسىن» دەپ باسىنداعى ورامالىن جابادى.
جۇرەككە جىلۋ سىيلاعان ۆيدەوعا ازاماتتار جاعىمدى پىكىرىن قالدىرىپ جاتىر.
