قازاق باسپا ءسوزىندەگى ەڭ العاشقى جارناما
بۇل تۋرالى 1870 -جىلدىڭ 28- ساۋىرىندە شىققان «تۇركىستان ۋالاياتى» گازەتىنىڭ ءبىرىنشى سانىنداعى «تۇركىستان ۋالاياتى» گازەتى تۋرالى قازاق تىلىندەگى العاشقى جارنامانى ايتۋعا بولادى.
ءتىپتى سول نومىردە گازەتتە جارناما-حابارلاردى بەرۋدىڭ اقىسى دا جازىلعان. ماسەلەن، سول كەزەڭدەگى باعا بويىنشا، ءبىرىنشى بەتتەگى جارنامانىڭ قۇنى - 10 تيىن، سوڭعى بەتتەگى جارنامانىڭ قۇنى 5 تيىن دەپ بەلگىلەنىپتى. ءبىراق تا جارناما ۇعىمى ارابتىڭ «يعلان» جانە ورىس تىلىندەگى سوزدەرمەن بەرىلگەن.
«تۇركىستان ۋالاياتى» گازەتىنىڭ قازاقشا ءبولىمىنىڭ جابىلۋىنا بايلانىستى دالا گەنەرال-گۋبەرناتورىنىڭ ورگانى رەتىندە ومبى قالاسىندا 1888- جىلدىڭ 1- قاڭتارىنان باستاپ «دالا ۋالاياتى» گازەتى شىعا باستادى. زەرتتەۋشىلەر «بۇل گازەتتەگى ەڭ كوپ تارالعان جارناما حابارلارى جاڭا كىتاپتار جايىندا ەدى» دەپ جازادى. سونىمەن قاتار اتالعان «دالا ۋالاياتى» گازەتىندە ءاربىر قازاق دالاسىندا اشىلعان جاڭا مەكتەپ، شكولا، مەدرەسە جونىندە دەر كەزىندە جارناما حابارلارىن بەرىپ وتىرعان.
اسلان وسپانوۆ
