قازاق بالۋاندارى الەمدىك رەيتينگتە كوش باستادى
بىرىككەن كۇرەس الەمى قاۋىمداستىعى (UWW) بەلگرادتاعى الەم چەمپيوناتى مەن ⅩⅨ جازعى ازيا ويىندارىنان كەيىن الەمدىك رەيتينگتى جاڭارتتى.
جاڭارعان رەيتينگتە ريزابەك ايتمۇحان مەن ءجاميلا باقبەرگەنوۆا كوش باستادى.
ريزابەك ايتمۇحان ەركىن كۇرەستەن الەم چەمپيونى اتانعان العاشقى قازاقستاندىق بالۋان اتاندى. بەلگراد بوز كىلەمىندەگى جەتىستىگى قازاق سپورتى تاريحىنداعى ايتۋلى وقيعا بولدى. وتانداسىمىز وسى جەتىستىگىنەن كەيىن 92 كيلوعا دەيىنگى سالماقتا 62200 ۇپايمەن كوش باسىنا شىقتى. ودان كەيىنگى ورىندا گرۋزين ميريان مايسۋرادزە مەن ازەربايجاندىق وسمان نۋرماگومەدوۆ تۇر.
ايەلدەر اراسىندا 72 كيلوعا دەيىنگى سالماقتا 53000 ۇپايمەن وتانداسىمىز ءجاميلا باقبەرگەنوۆا ءبىرىنشى تۇر. ودان كەيىنگى ورىندارعا اقش پەن موڭعوليانىڭ بالۋان قىزدارى ورنالاسقان. ءجاميلا ءۇش بىردەي الەم چەمپيوناتىندا جۇلدە العان قازاقستاندىق جالعىز بالۋان.
