قايرات ساتىبالدىنىڭ شەكسىز بايلىققا قالاي يە بولعانى ايتىلدى

سوت وتىرىسىندا ەلدار نۇرماحانوۆ قايرات ساتىبالدى قىلمىستىق كودەكستىڭ 218-بابى، 3-بولىگى، 3-تارماعى بويىنشا ايىپتالاتىنىن جەتكىزدى. قايرات ساتىبالدى ءوز كىناسىن تولىق مويىندادى.

پروكۋرور قايرات ساتىبالدى 28 ميلليارد 687 ميلليون 940 مىڭ تەڭگەگە «كولىكتىك سەرۆيس ورتالىعى» ا ق اكتيۆتەرىن ىسىراپ ەتۋدى جانە 8 ميلليارد 942 ميلليون 105 مىڭ تەڭگەگە «قازاقتەلەكوم» ا ق- عا ماتەريالدىق زالال كەلتىرۋدى ۇيىمداستىرعانىن اتاپ ءوتتى. ول وسى قىلمىستاردى جاساعانى ءۇشىن 6 جىلعا باس بوستاندىعىنان ايىرىلعان. الايدا ونىڭ زاڭسىز ارەكەتى مۇنىمەن توقتاماعان.

«قايرات ساتىبالدى جوعارىدا اتالعان قارجى قىلمىستىق قۇقىق بۇزۋشىلىقتاردان تۇسكەن كىرىسكە قاراماستان پايدا تابۋ جانە شىنايى ماقساتىن جاسىرۋ ءۇشىن «تەحاليانس» ج ش س- نى ىسكە تارتقان»، - دەدى ەلدار نۇرماحانوۆ سوت وتىرىسىندا.

اتالعان كومپانيا شەت ەلدەردەن حالىق تۇتىناتىن تاۋارلاردى ساتىپ الۋ جانە ولاردى قازاقستاندا ساتۋمەن اينالىسقان. ج ش س يەسى - ماقاشيەۆ بولعان.

«ول ەكونوميكالىق وپەراتوردىڭ كۋالىگىن الۋ جانە بيزنەستەن تۇسەتىن پايدانى ۇلعايتۋ ءۇشىن ماڭىزدى اداممەن بايلانىس ورناتۋ كەرەكتىگىن تۇسىنگەن. وسىلايشا، 2017-جىلى ماقاشوۆ ىقپالدى كاسىپكەر قايرات ساتىبالدى ۇلىنا ءوزىنىڭ سەنىمدى ادامى ەفەندي تكەماليگە جۇگىنگەن. ولار كومپانيا تابىسىن ءوزارا بولىسۋگە كەلىسىپ، ج ش س- عا قامقورلىق كورسەتۋگە كەلىسكەن. سودان كەيىن قايرات ساتىبالدى شەكسىز مۇمكىندىك پەن بەدەلگە يە بولا وتىرىپ، «تەحاليانس» ج ش س- نى قىلمىستىق تابىسىن زاڭداستىرۋ جانە پايدا تابۋ ءۇشىن پايدالانعان»، - دەدى پروكۋرور.

ول سوزىنە ناقتى دالەلدەر كەلتىردى.

«مىسالى، قارجى مينيسترلىگى م ك ك بۇيرىعىمەن «تەحاليانس» ج ش س- عا ءبىرىنشى ۇلگىدەگى كۋالىك بەرىلىپ، ۋاكىلەتتى ەكونوميكالىق وپەراتوردىڭ تىزىلىمىنە ەنگىزىلدى. بۇل مارتەبە كومپانيانىڭ سىرتقى ەكونوميكالىق قىزمەتىن، كەدەندىك راسىمدەردى جانە الدىن-الا ەلەكتروندى دەكلاراتسيالاۋدى جەڭىلدەتەدى»، - دەدى ەلدار نۇرماحانوۆ.

قايرات ساتىبالدى ۇلىنىڭ نۇسقاۋى بويىنشا «كولىكتىك سەرۆيس ورتالىعى» ا ق- دان ۇرلانعان قاراجات جانە «قازاقتەلەكوم» ا ق- عا كەلتىرىلگەن زالالدىڭ قارجىسى زاڭدى تابىسقا اينالدىرۋ ءۇشىن «تەحاليانس» ج ش س- نىڭ جالپى اينالىمىنداعى قاراجاتقا سالىنعان. وسىلايشا، 2018-2021-جىلدار ارالىعىندا جەكە تۇلعالارعا 636 ميلليارد تەڭگە، زاڭدى تۇلعالارعا 49 ميلليارد تەڭگەنىڭ تاۋارى ساتىلىپ، كەدەندىك تازارتۋدان وتكەن.

«قايرات ساتىبالدى باسقا ادامدارمەن جانە ەفەنديمەن كەلىسىپ، «تەحاليانس» ج ش س- نى پايدالانىپ، قاراجاتتى جىلىستاتۋدى ۇيىمداستىرۋ ءۇشىن تومەندەگى قىلمىستىق سحەمانى ىسكە اسىرعان: باقىلاۋداعى كومپانيانىڭ بانك شوتتارىنا قىلمىستىق اقشانى اۋدارۋ جانە ونى اينالىمداعى قاراجاتپەن ودان ءارى ارالاستىرۋ، تاۋارلاردى شەتەلدە ۇيىمداستىرۋ جانە ساتىپ الۋ، تاۋارلاردى ساتۋ، كومپانيا قىزمەتىنەن اي سايىن قولما-قول اقشا تۇرىندە پايدا الۋ، قايرات ساتىبالدىنىڭ بانك شوتتارىن تولىقتىرۋ، قىمبات جىلجىمالى جانە جىلجىمايتىن مۇلىك وبەكتىلەرىن ساتىپ الۋ ءۇشىن اقشانى پايدالانۋ، اقشانى شوتتاردا ورنالاستىرۋ جانە تاعى باسقا. سونىمەن قاتار كەدەندىك باجدار مەن سالىقتاردى تولەۋدەن جالتارعان كەزدە وندىرىلگەن 44 ميلليارد 816 ميلليون 612 مىڭ تەڭگە كاسىپورىن اينالىمىندا قالعان جانە جوعارىدا اتالعان ۇرلانعان اقشامەن بىرگە («كولىكتىك سەرۆيس ورتالىعى» ا ق، «قازاقتەلەكوم» ا ق) كاسىپكەرلىك قىزمەت ءۇشىن ياعني قىتاي، تۇركيا، ب ا ءا- دەن جانە تاعى باسقا ەلدەردەن حالىق تۇتىناتىن تاۋارلاردى ساتىپ الۋ ءۇشىن جۇمسالعان»، - دەدى پروكۋرور.

2018-2022-جىلدار ارالىعىندا «كولىكتىك سەرۆيس ورتالىعى» ا ق- دان ۇرلانعان 15 ميلليارد 389 ميلليون تەڭگە اففيليرلەنگەن كومپانيالاردان كوپتەگەن قارجى وپەراتسياسى ارقىلى شىعارىلعان.

«قايرات ساتىبالدى «تەحاليانس» ج ش س- عا قامقورلىق جاساعانىن جانە قىلمىستىق جولمەن تارتىلعان قاراجاتتان سوڭ، كومپانيانىڭ تاۋار ايلانىمى 922 ميلليارد 720 ميلليون 997 مىڭ تەڭگەگە وسكەن. 2018-2022-جىلدار ارالىعىندا اقشانى جىلىستاتۋ ناتيجەسىندە قايرات ساتىبالدى ۇلى قىلمىستىق جولمەن پايدا تاپقان، ونى ودان ءارى قۇرىلىس وبەكتىلەرىن، جىلجىمايتىن مۇلىكتى، ونىڭ ىشىندە شەتەلدەن (جىلجىمايتىن مۇلىك) ساتىپ الۋ، بانكتەردەگى شوتتاردا ورنالاستىرۋ، باعالى قاعازداردى ساتىپ الۋ جانە تاعى باسقا ماقساتقا پايدالانعان. ەفەندي اي سايىن «تەحاليانس» ج ش س پايداسىنىڭ ءبىر بولىگىن قولما-قول اقشا تۇرىندە العان جانە مۇلىكتى زاڭداستىرۋ ءۇشىن قارجىنى بانك شوتتارىنا سالعان: بارلىعى 53 ميلليون تەڭگە جانە 150 ميلليون دوللار. قايرات ساتىبالدى ۇلى ءوزىنىڭ بانك شوتتارىنا نەبارى 546 ميلليون تەڭگە جانە 61 ميلليون دوللاردان اسا قاراجات اۋدارعان»، - دەدى ەلدار نۇرماحانوۆ.

وسىلايشا، قايرات ساتىبالدى شەكسىز بايلىققا يە بولىپ، قوماقتى قاراجاتتى شەتەلدەن قىمبات مۇلىك الۋعا جۇمساي باستاعان.

«2018-جىلدان 2022-جىلعا دەيىن ۇرلانعان اقشانى ج ش س اينالىمىمەن ارالاستىرعاننان كەيىن الىنعان قاراجات 172 ميلليارد 62 ميلليون تەڭگە بولدى. بۇل قارجى قايرات ساتىبالدى ۇلىنىڭ بانك شوتتارىنا اۋدارىلعان. 22,9 ميلليون دوللاردى قايرات ساتىبالدى ۇلى دۋبايدان ۆيللا ساتىپ الۋ ءۇشىن جۇمساعان. سونداي-اق ول 40 ميلليون دوللارعا ماسكەۋدە ورنالاسقان «سنەگيري» تۇرعىن ءۇي كەشەنىنەن كولىك تۇراعىمەن بىرگە بىرنەشە پاتەر ساتىپ العان»، - دەدى پروكۋرور.

سونىمەن قاتار قايرات ساتىبالدى ەنشىلەس كومپانيالاردىڭ كەپىل مۇلكىن، باعالى قاعازداردى جانە مۇلىكتى ساتىپ الۋ ارقىلى اينالىمعا قىلمىستىق جولمەن تۇسكەن قارجىنى سالعان.

«2021-جىلى قاراجاتتى جىلىستاتۋ ءۇشىن قايرات ساتىبالدى «بايدالا ل» ج ش س قۇرىلتايشىسىمەن 6 ميلليارد 454 ميلليون تەڭگەگە پايىزسىز قارىز الۋ كەلىسىمشارتىن جاساسقان. قوسىمشا كەلىسىمدى ەسكەرسەك، قاراجاتتىڭ سوماسى 14 ميلليارد تەڭگەدەن اسادى. كەلىسىمشارت بويىنشا الىنعان ناقتى سوما - 13,33 ميلليارد تەڭگە. بۇل قارجىعا مۇلىك ساتىپ الىندى، مامىلەلەر جاسالدى، كاسىپكەرلىك قىزمەت جانە تاعى باسقا»، - دەدى ول.

ەلدار نۇرماحانوۆتىڭ ايتۋىنشا، قازاقستانداعى نىسانداردىڭ جالپى سوماسى - 34 ميلليارد 863 ميلليون تەڭگە، رەسەيدە - 4 ميلليارد 202 ميلليون تەڭگە، ب ا ءا- دە - 20 ميلليارد 413 ميلليون تەڭگە، فرانسيادا - 4 ميلليارد 150 ميلليون تەڭگە، تۇركيادا - 4 ميلليارد 25 ميلليون تەڭگە، بارلىعى - 67 ميلليارد 655 ميلليون تەڭگە.

«وسى دەرەكتەرگە سۇيەنسەك، قايرات ساتىبالدى ەفەندي جانە باسقا ادامدارمەن ءسوز بايلاسىپ، 2018-جىلدان 2022-جىلعا دەيىن «كولىكتىك سەرۆيس ورتالىعى» ا ق اكتيۆتەرىن ۇرلاۋ، كەدەندىك جانە وزگە دە تولەمدەردەن جالتارۋ، «قازاقتەلەكوم» ا ق- عا مۇلىكتىك زالال كەلتىرە وتىرىپ، قىلمىستىق جولمەن تۇسكەن 82 ميلليارد 446 ميلليون تەڭگەنى باقىلاۋىنداعى «تەحاليانس» ج ش س كومپانيانىڭ زاڭدى ايلانىمىنا ەنگىزگەن. سالدارىنان كاسىپكەرلىك قىزمەتتى پايدالانۋ، زاڭسىز تابىس الۋ، ونى قولما-قول اقشاعا اينالدىرۋ جانە جىلجىمايتىن مۇلىك وبەكتىلەرىن، ونىڭ ىشىندە شەتەلدە ساتىپ الۋ، اقشانى قازاقستانداعى جانە باسقا مەملەكەتتەردەگى بانك شوتتارىنا ورنالاستىرۋ، اكتيۆتەردى جاقىن ادامدار مەن تۋىستارىنا تىركەگەن. وسىنىڭ نەگىزىندە قايرات ساتىبالدى قىلمىستىق كودەكستىڭ 218-بابى 3-بولىگى 3-تارماعى بويىنشا قىلمىس جاسادى»، - دەدى پروكۋرور.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى