قايرات ساتىبالدى سوتتالعان مەرزىمىنەن بۇرىن بوساتىلۋى مۇمكىن بە
باس پروكۋروردىڭ ورىنباسارى اسەت شىنداليەۆ سوتتالعان قايرات ساتىبالدىنىڭ جازاسى جەڭىلدەتۋ مۇمكىندىگىنا قاتىستى سۇراققا جاۋاپ بەردى، دەپ حابارلايدى Kazinform.
بۇگىن سەناتتىڭ جالپى وتىرىسىنان كەيىن تىلشىلەر ءىستى بولعان قايرات ساتىبالدىنىڭ سوتتالعان مەرزىمىنەن بۇرىن بوساتىلۋ مۇمكىندىگى تۋرالى سۇرادى.
«تەوريالىق تۇرعىدان الىپ قاراساق، زاڭنامادا مەرزىمىنەن بۇرىن بوساتۋ، نەعۇرلىم جەڭىل جازامەن اۋىستىرۋ سياقتى شارالاردى قولدانۋ مۇمكىندىگى قاراستىرىلعان. وسى رەتتە، زاڭدا بەلگىلى ءبىر تالاپتار بار. ياعني ءتيىستى مەرزىمدەگى جازاسىن وتەۋى، كەلتىرگەن زالالدىڭ ورنىن تولتىرۋى، سونداي-اق تۇرمەدەگى ونىڭ ءتارتىبى ەسكەرىلەدى. اتاپ ايتقاندا، سوتتالعان ادامنىڭ مەرزىمىنەن بۇرىن بوساتىلۋىنا نەمەسە جازانى جەڭىلدەتۋگە ءوتىنىش بەرۋ قۇقىعى بار. ال سوت وسى ءوتىنىشتى قاناعاتتاندىرۋعا نەمەسە ودان باس تارتۋعا قۇقىلى. ياعني، سوتتالعان ادامنىڭ ءوتىنىشى بەرۋگە قۇقىعى بار، ءبىراق سوت ونى بوساتۋعا مىندەتتى ەمەس»، - دەدى ءا. شىنداليەۆ.
بۇعان دەيىن حابارلاعانىمىزداي، بىلتىر قايرات ساتىبالدىعا سوت ۇكىمى شىعىپ، ول 6 جىلعا سوتتالدى.
ايتا كەتەيىك، 20-قازاندا بەلگىلى كاسىپكەر قايرات بورانبايەۆتىڭ جازاسى جەڭىلدەتىلگەنى جاريالاندى.
اۆتور
رۋسلان عابباسوۆ
