قايعىلى جاعدايدان كەيىن الماتى مەتروسىندا نە وزگەرەدى
الماتى. KAZINFORM - الماتى اكىمى ەربولات دوسايەۆ كوزى ناشار كورەتىن جاس جىگىتتىڭ ولىمىنەن كەيىن مەتروپوليتەندە قانداي شارالار قولدانىلاتىنىن ايتتى.
ول قالانىڭ قازىرگى ينفراقۇرىلىمى ينكليۋزيۆتى ستاندارتتارعا سايكەس كەلمەيتىنىن مالىمدەدى.
- ۆاگون ارالىق كەڭىستىكتى جابۋ ءۇشىن پلاتفورمالىق تۋرنيكەتتەر ورناتىلادى. بۇل ماسەلە ينكليۋزياعا عانا ەمەس، سونىمەن قاتار بالالارىمىزدىڭ قاۋىپسىزدىگىنە دە قاتىستى. بۇل جۇمىستار 2025-جىلدىڭ باسىندا جۇزەگە اسىرىلادى. جاڭا مەترو ستانتسيالارىن جوبالاۋ كەزىندە بۇل ستاندارتتار مىندەتتى بولادى، - دەپ ءتۇسىندىردى اكىم.
ەسكە سالايىق، بۇعان دەيىن الماتى مەتروسىندا زاعيپ جولاۋشى رەلسكە قۇلاپ، مەرت بولعانىن جازعانبىز.
كەيىن «اباي» مەترو بەكەتىندە بولعان قايعىلى وقيعانىڭ بەينەجازباسى الەۋمەتتىك جەلىدە تارادى.
