قاي وڭىردە ازىق-تۇلىك باعاسى ارزان؟

وڭىردە بيداي ۇنىنىڭ باعاسى ەلدەگى ورتاشا باعادان %33 ارزان. ياعني ورتاشا باعا 224 تەڭگە بولسا، پەتروپاۆلدا ۇننىڭ كەلىسى 150 تەڭگە تۇرادى. ال ءسابىز باعاسى %14 ارزان. ءسابىزدىڭ ەلدەگى ورتاشا باعاسى 152 تەڭگە بولسا، س ق و-دا ونىڭ قۇنى - 130 تەڭگە. ەلدەگى ەڭ ارزان جۇمىرتقانى دا سولتۇستىك قازاقستاننان تابۋعا بولادى. مۇندا C1 ساناتىنداعى جۇمىرتقا - 462 تەڭگەدەن ساۋدالانىپ جاتىر، ال بۇل ءونىمنىڭ ەلدەگى ورتاشا باعاسى - 545 تەڭگە.

وسى وڭىردە سۇزبە باعاسى 25 پايىزعا ارزان. ەلدە سۇزبەنىڭ 1 كەلىسى 2172 تەڭگەدەن ساۋدالانسا، س ق و-دا 1622 تەڭگەنى قۇرايدى. كارتوپتىڭ باعاسى 14 پايىزعا ارزان.

سونداي-اق سيىر ەتى س ق و-دا 2388 تەڭگە، بۇل رەسپۋبليكالىق ورتاشا باعادان 7,2 پايىزعا ارزان. نان (%17,4-) مەن روجكي (%19,6-) قۇنى دا ارزان. رەسپۋبليكالىق ورتاشا باعادان ارزان ونىمدەر قاتارىندا قاراقۇمىق جارماسى، سارى ماي، پياز بەن ورامجاپىراق تا بار.

وڭىردە الەۋمەتتىك ماڭىزى بار ازىق-تۇلىك باعاسىن تۇراقتى ۇستاۋ، ءتىپتى ءا م ا ت تىزىلىمىندەگى 11 تاۋاردىڭ قۇنىن ەلدەگى ورتاشا باعادان ارزانداتۋ ءۇشىن مونيتورينگ جانە مەملەكەتتىك باقىلاۋ شارالارى جۇرگىزىلىپ كەلەدى. 11 ايدىڭ قورىتىندىسى بويىنشا ءا م ا ت تاۋارلارىنا ساۋدا ۇستەمەسىن ءتيىستى %15 دان اسىرعانى ءۇشىن 134 ساۋدا سۋبەكتىسى اكىمشىلىك جاۋاپكەرشىلىككە تارتىلدى. ونىڭ 118 ى ەسكەرتۋ بولسا، 16 كاسىپكەرگە ايىپپۇل بەرىلدى، - دەدى س ق و بويىنشا ساۋدا جانە تۇتىنۋشىلاردىڭ قۇقىعىن قورعاۋ دەپارتامەنتىنىڭ باسشىسى قانات جەڭىسبەك ۇلى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى