قاي ءوڭىردىڭ تۇرعىندارى ۇزاق ءومىر سۇرەدى

- 2024 -جىلى قازاقستان رەسپۋبليكاسى حالقىنىڭ ءومىر ءسۇرۋ ۇزاقتىعى 75,44 جاس، ءبىر جىل بۇرىن بۇل كورسەتكىش 75,09 جىل دەڭگەيىندە بولعان. قالالىق جەردە ءومىر ءسۇرۋ ۇزاقتىعى اۋىلدىق جەرگە قاراعاندا جوعارى، سايكەسىنشە 76,14 جانە 74,26 جاس، - دەلىنگەن حابارلامادا.

گەندەرلىك تۇرعىدان العاندا، 2024 -جىلى ايەلدەردىڭ كۇتىلەتىن ءومىر ءسۇرۋ ۇزاقتىعى 79,42 جاس (2023 ج. - 79,06)، ەرلەر اراسىندا 71,33 جاس (2023 ج. - 70,99 جاس) بولعان.

تۋعان كەزدە كۇتىلەتىن ەڭ جوعارى ءومىر ءسۇرۋ ۇزاقتىعى الماتىدا تىركەلگەن - 78,78 جاس، ەڭ تومەنى ۇلىتاۋ وبلىسىندا - 72,48 جاس.

تۋعانداعى كۇتىلەتىن ءومىر ءسۇرۇ ۇزاقتىعى - بۇل بەلگىلى ءبىر جىلى تۋعان ادامنىڭ ورتاشا ءومىر ءسۇرۋ ۇزاقتىعىن كورسەتەتىن ستاتيستيكالىق كورسەتكىش، بۇل رەتتە ۇرپاقتىڭ بۇكىل ومىرىندەگى ءولىم-ءجىتىم دەڭگەيى وسى كورسەتكىش ەسەپتەلگەن جىل دەڭگەيىندە وزگەرىسسىز قالۋ شارتى بار.

ايتا كەتەلىك ت م د ىشىندە قازاقستان ەڭ باقىتتى ەل رەتىندە تانىلعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى