قاڭتاردا بالالارعا بەرىلەتىن مەملەكەتتىك جاردەماقىلاردىڭ كولەمى ارتادى

بۇل تۋرالى ۇكىمەتتە ءوتىپ جاتقان بريفينگتە پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى نۇرلان بايبازاروۆ ايتتى.

- بالالارى بار 2 ميلليونعا جۋىق قازاقستاندىق وتباسى رەسپۋبليكالىق بيۋجەتتەن جاردەماقى جانە مەملەكەتتىك الەۋمەتتىك ساقتاندىرۋ قورىنان الەۋمەتتىك تولەمدەرمەن قامتىلادى. 2025-جىلدان باستاپ بالالارى بار وتباسىلارعا بەرىلەتىن مەملەكەتتىك جاردەماقىلاردىڭ بارلىق مولشەرى 6,5 پايىزعا يندەكستەلەدى. جالپى، 2025-جىلعا ارنالعان رەسپۋبليكالىق بيۋجەتتە بالالارى بار وتباسىلارعا جاردەماقى تولەۋگە 875 ميلليارد تەڭگە قاراستىرىلعان، - دەدى نۇرلان بايبازاروۆ.

ونىڭ اتاپ وتۋىنشە، از قامتىلعان ازاماتتاردى الەۋمەتتىك قولداۋ اتاۋلى الەۋمەتتىك قولداۋ ارقىلى جالعاسادى. وسى جىلدىڭ 1-قاراشاسىندا اتاۋلى الەۋمەتتىك كومەكتى 76 مىڭ وتباسى نەمەسە 403 مىڭ ادام الدى.

- اتاۋلى الەۋمەتتىك كومەك كورسەتۋ تاسىلدەرىن قايتا قاراۋ اياسىندا ازاماتتاردىڭ شىعىستارىن ەسكەرە وتىرىپ، وتباسىنىڭ سيفرلىق كارتاسىن پايدالانۋ ارقىلى اتاۋلى الەۋمەتتىك كومەكتىڭ ترانسفورماتسياسى، سونىمەن قاتار مەملەكەتتىك جانە مەملەكەتتىك ەمەس ۇيىمداردىڭ جۇيەلەرىمەن بىرىكتىرۋ كۇتىلىپ وتىر، - دەدى ول.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى