قاڭتارداعى ۇ ب ت- دا تالاپكەرلەر قانداي پاندەردى ءجيى تاڭداعان

عىلىم جانە جوعارى ءبىلىم مينيسترلىگىنىڭ مالىمەتىنشە، تالاپكەرلەردىڭ 18,4 پايىزى بيولوگيا-حيميا پاندەرىن تاڭداعان. بۇل بەيىندىك پاندەر كومبيناتسياسىمەن تالاپكەرلەر مەديتسينا، پەداگوگيكا، اۋىل شارۋاشىلىعى، ۆەتەريناريا جانە ت. ب. باعىتتارعا وقۋعا تۇسە الادى.

سونىمەن قاتار العاشقى بەستىكتە ماتەماتيكا-فيزيكا - 16,9 پايىز، ماتەماتيكا-ينفورماتيكا - 11,7 پايىز، شەت ءتىلى-دۇنيەجۇزى تاريحى» - 9,4 پايىز جانە شىعارماشىلىق ەمتيحان 9,3 پايىز بار.

وتكەن جىلعى مالىمەتتەرگە سۇيەنەتىن بولساق، توپ-5 وزگەرگەن جوق. دەگەنمەن 2023-جىلعى قاڭتار ۇ ب ت- سىندا تالاپكەرلەردىڭ ەڭ كوپ تاڭداعان كومبيناتسياسى ماتەماتيكا- فيزيكا 19,2 پايىز بولدى. ەكىنشى ورىندا بيولوگيا-حيميا - 18,6 پايىز، ارى قاراي شىعارماشىلىق ەمتيحان - 10,2 پايىز، ماتەماتيكا-ينفورماتيكا - 10 پايىز جانە شەت ءتىلى-دۇنيەجۇزى تاريحى - 8,7 پايىز.

«ۇ ب ت- داعى ەڭ تانىمال كومبيناتسيانىڭ بيولوگيا-حيميا دەپ وزگەرۋى تالاپكەرلەر اراسىندا مەديتسينالىق جانە اۋىلشارۋاشىلىق ماماندىقتارىنىڭ باسىم تاڭداۋعا يە بولعاندىعىن كورسەتەدى. سوڭعى بىرنەشە جىلدا ۇ ب ت- نىڭ بارلىق كەزەڭدەرىندە تالاپكەرلەر ينجەنەرلىك، قۇرىلىس، پەداگوگيكالىق جانە باسقا دا ماماندىقتارعا تۇسۋگە مۇمكىندىك بەرەتىن ماتەماتيكا-فيزيكا كومبيناتسياسىن كوپ تاڭدادى. وسى كومبيناتسيادا ماماندىق تاڭداۋ مۇمكىندىگى دە كوبىرەك، سونىمەن قاتار گرانتتار الۋ ىقتيمالدىعى جوعارى. وسىعان قاراماستان، 2024-جىلى تالاپكەرلەردىڭ 18,4 پايىزى بيولوگيا-حيميا پاندەرىن تاڭداۋدى ءجون كوردى»، - دەدى ق ر ع ج ب م ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.

ەستەرىڭىزگە سالا كەتسەك، قاڭتار ايىندا وتەتىن ۇ ب ت باستالدى، ول 10- اقپانعا دەيىن جالعاسادى. 136 مىڭ ادام ۇ ب ت- عا قاتىسۋعا ءوتىنىش بەردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى