قاڭتاردا كىشكەنتاي ايكوركەمدى ءولتىردى دەپ ايىپتالعان اسكەري اقتالدى: پروكۋرور ۇكىممەن كەلىسپەيدى
اسكەري پروكۋراتۋرا قاڭتار وقيعاسى كەزىندە 4 جاسار ايكوركەمدى ءولتىردى دەپ ايىپتالعان ارمان جۇمانعا شىققان ۇكىممەن كەلىسپەيدى، دەپ حابارلايدى Kazinform.
15- قاراشادا الماتى گارنيزونى اسكەري سوتى ارمان جۇمانعا ۇكىم شىعارىپ، ونى اقتادى.
ول قارۋ قولدانۋ ارقىلى بيلىگىن اسىرا پايدالانىپ، كامەلەتكە تولماعان بالانىڭ ولىمىنە اكەپ سوقتىرعان جانە ەكى ادامنىڭ دەنساۋلىعىنا زاقىم كەلتىردى دەگەن ايىپپەن سوتقا تارتىلعان بولاتىن.
جارىس ءسوز كەزىندە مەملەكەتتىك ايىپتاۋشى جۇماندى تاعىلعان ايىپ بويىنشا كىنالى دەپ تانىپ، 7 جىلعا باس بوستاندىعىنان ايىرۋدى سۇرادى.
پروكۋرور ۇكىمنىڭ كۇشىن جويۋ جونىندە اپەللياتسيالىق شاعىم تۇسىرەدى.
