قاتار، گەرمانيا، قىتاي: قازاقستانعا ينۆەستيتسيا سالعان ەلدەردىڭ كوشىن كىم باستاپ تۇر

- قازىر اراب ەلدەرى بەلسەندى كىرىپ جاتىر. مىسالى، قاتار ەلى 18 ميلليارد دوللار ينۆەستيتسيا باعىتتاپ وتىر. گەرمانيا دا جاقسى كىرىپ جاتىر. قىتاي بار. وڭتۇستىك كورەيا ۇلكەن اۆتوكولىك زاۋىتتارىن سالىپ جاتىر. سونداي-اق، ا ق ش، رەسەي، بەلگيا جانە ەۋروپانىڭ باسقا ەلدەرى بار، - دەدى ول جوعارعى سوت ۇيىمداستىرعان ينۆەستيتسيالىق فورۋم الدىندا.

كوميتەت باسشىسى شەتەلدىك ينۆەستورلارعا قىزىقتى سالالاردى دا اتادى.

- بۇل ءبىرىنشى - پايدالى قازبالار سالاسى. ويتكەنى ەلىمىزدە پايدالى قازبالاردىڭ ۇلكەن قورى بار. ونىڭ ىشىندە سيرەك مەتالدار دا. ەكىنشى سالا - لوگيستيكا. بۇل باعىتتا قازاقستاننىڭ الەۋەتى وتە ۇلكەن. ەۋروپا-قىتاي باعىتىن ەرەكشە اتاۋعا بولادى. ءبىز وسى ءدالىزدى دامىتىپ جاتىرمىز. وسى جەلىمەن ميلليون توننادان استام جۇك وتكەن. ودان كەيىن قايتا وڭدەۋ سالاسى قىزىقتى. وزدەرىڭىز دە بايقاپ جۇرگەن شىعارسىزدار، ماشينا جاساۋ سالاسىندا ءوسىم بار. KIA- نىڭ ۇلكەن زاۋىتى سالىنىپ جاتىر. Skoda ماركاسىنىڭ اۆتوموبيلدەرىن قۇراستىراتىن زاۋىت قوستانايدا سالىنىپ جاتىر. پەتروپاۆل قالاسىندا Claas كومپانياسى اۋىل شارۋاشىلىعىنىڭ ۇلكەن تەحنيكاسىن شىعاراتىن زاۋىت قۇرىلىپ جاتىر. فرانسيالىق كومپانيا تەمىرجول لوكوموتيۆىن شىعارىپ، ەكسپورتقا شىعارا باستادى. ودان كەيىن اۋىل شارۋاشىلىعىنا، سونىڭ ىشىندە استىقتى تەرەڭ وڭدەۋگە قىزىعۋشىلىق كوپ، - دەدى س ءى م وكىلى.

ەسكە سالساق، وتكەن ايدا «Kazakh invest» ۇلتتىق كومپانياسى» ا ق وسى ماسەلە تۋرالى ارنايى ماتەريال جاريالاعان ەدى. وندا تىكەلەي شەتەلدىك ينۆەستيتسيا كولەمى، ەلدەگى ينۆەستيتسيالىق ساياساتقا قاتىستى قالىپتاسقان جاعداي مەن وعان اسەر ەتەتىن فاكتورلار تۋرالى ايتىلعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى