قاڭتار ايىندا وتەتىن ۇ ب ت- عا ءوتىنىش قابىلداۋ 20-جەلتوقساندا باستالادى

ۇ ب ت- عا تىركەلۋ ۇلتتىق تەستىلەۋ ورتالىعىنىڭ app.testcenter.kz سايتىندا نەمەسە UTO قوسىمشاسى ارقىلى جۇرگىزىلەدى. تەستىلەۋدىڭ ءوزى 10-قاڭتار مەن 10-اقپان ارالىعىندا وتەدى.

ەستەرىڭىزگە سالا كەتسەك، قاڭتارداعى ۇ ب ت- عا شارتتى تۇردە اقىلى نەگىزدە كۇندىزگى وقۋ نىسانى بويىنشا جوعارى وقۋ ورىندارىنا قابىلدانعان، جازعى ۇ ب ت ناتيجەلەرى بويىنشا شەكتى بال جيناماعاندار، شىعارماشىلىق ب ب ت- دان اقىلى نەگىزدە باسقا دايىندىق باعىتتارىنا، پەداگوگيكالىق باعىتقا اقىلى نەگىزدە اۋىسقىسى كەلەتىندەر، سونداي-اق مەكتەپ بىتىرەتىن تۇلەكتەر جوعارى وقۋ ورىندارىنا اقىلى نەگىزدە ءتۇسۋ ءۇشىن قاتىسادى.

قاتىسۋشىلار تەستىلەۋ وتكىزىلەتىن ورىندى، كۇندى جانە ۋاقىتتى وزدەرى تاڭدايدى. ۇ ب ت- داعى پاندەردىڭ سانى وزگەرىسسىز قالادى، ياعني ۇشەۋى مىندەتتى جانە ەكەۋى تاڭداۋ بويىنشا. ۇ ب ت تاپسىرمالار سانى وزگەرىسسىز قالادى، جالپى 120 سۇراق. ونىڭ ىشىندە «قازاقستان تاريحىنان» 20 تاپسىرما، «وقۋ ساۋاتتىلىعىنان» 10 تاپسىرما، «ماتەماتيكالىق ساۋاتتىلىقتان» 10 تاپسىرما جانە ەكى بەيىندىك ءپان بويىنشا 40 تاپسىرما. جوعارى بال - 140، ول دا وزگەرىسسىز قالدى.

ۇ ب ت- عا دايىندىقتى جاقسارتۋ ماقساتىندا جاتتىقتاندىرۋ تەستى ىسكە قوسىلدى. وقۋ جىلىنىڭ باسىندا ۇ ت و سايتىندا تەست تاپسىرمالارى قۇراستىرىلعان ادەبيەتتەر ءتىزىمى مەن تەست جوسپارى؛ «قازاقستان تاريحى» جانە «دۇنيەجۇزى تاريحى» پاندەرى بويىنشا 100 تاريحي داتا ءتىزىمى؛ «ينفورماتيكا» پانىنەن تەرميندەر ءتىزىمى؛ «قازاق ادەبيەتى» جانە «ورىس ادەبيەتى» بويىنشا ادەبي شىعارمالار ءتىزىمى جاريالاندى. سونداي-اق، بارلىق تالاپكەر ءۇشىن تەستىلەۋ باعدارلاماسىندا كالكۋلياتور، پەريودتىق كەستە جانە ەرىگىشتىك كەستەسى قولجەتىمدى بولادى.

تەستىلەۋ ۋاقىتى - 4 ساعات (240 مينۋت). بۇل رەتتە ەرەكشە ءبىلىم بەرۋ قاجەتتىلىكتەرى بار بالالار ءۇشىن ۇسىنىلاتىن قوسىمشا 40 مينۋت ۋاقىت ساقتالاتىنىن ايتا كەتۋ كەرەك.

ايتا كەتەيىك، بۇعان دەيىن مينيسترلىك ۇ ب ت تاپسىرمالارىنىڭ ساپاسى ارتاتىنىن مالىمدەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى