قاسىم-جومارت توقايەۆ يزرايل پرەزيدەنتى يتسحاك گەرتسوگپەن تەلەفون ارقىلى سويلەستى
استانا. KAZINFORM - يزرايل تاراپىنىڭ باستاماسىمەن بولعان اڭگىمەلەسۋ بارىسىندا يتسحاك گەرتسوگ قاسىم-جومارت توقايەۆتى ناۋرىز مەرەكەسىمەن قۇتتىقتادى.
مەملەكەتتەر باسشىلارى قازاقستان مەن يزرايل اراسىنداعى ساۋدا-ەكونوميكالىق ىنتىماقتاستىقتى نىعايتۋ پەرسپەكتيۆاسىن تالقىلادى. سونداي-اق ءوزارا ءتيىمدى ەكىجاقتى بايلانىستاردىڭ جوعارى دەڭگەيىن ساقتاۋعا دايىن ەكەندەرىن راستادى.
يزرايل پرەزيدەنتى بيىل قازاقستانعا ساپارمەن كەلەدى.
ايتا كەتەيىك، بۇگىن مەملەكەت باسشىسى ا ق ش كونگرەسى وكىلدەر پالاتاسىنىڭ مۇشەسى كەرول ميللەردى قابىلدادى.