قاسىم-جومارت توقايەۆ «وتان انا» مونۋمەنتىنە گۇل شوعىن قويدى
استانا. KAZINFORM - مەملەكەت باسشىسى ەلورداداعى «وتان انا» مونۋمەنتىنە گۇل شوعىن قويىپ، ۇلى وتان سوعىسى جىلدارىندا قازا تاپقان جاۋىنگەرلەردىڭ رۋحىنا تاعزىم ەتتى، دەپ حابارلايدى اقوردانىڭ باسپا ءسوز قىزمەتى.
سودان كەيىن پرەزيدەنتتىك وركەستر مەملەكەتتىك ءانۇراندى ورىنداپ، قۇرمەت قاراۋىلىنىڭ روتاسى شاراعا قاتىسۋشىلار الدىنان ساپ تۇزەپ ءوتتى.
قاسىم-جومارت توقايەۆ گۇل قويۋ راسىمىنە جينالعان جۇرتشىلىقپەن جۇزدەسىپ، ارداگەرلەردى جەڭىس كۇنىمەن قۇتتىقتادى.
